ფრაქცია „ლელო - პარტნიორობა საქართველოსთვის” არასამთავრობო სექტორს ხვდება

პარლამენტში ფრაქცია „ლელო - პარტნიორობა საქართველოსთვის” არასამთავრობო სექტორს ხვდება, სადაც სასამართლოების გადაწყვეტილებების შესახებ კვლევას განიხილავენ.

კვლევაში, რომელიც "დემოკრატიის ინდექსი - საქართველოს" და დამოუკიდებელი იურისტების ჯგუფის მიერ, USAID/PROLoG პროგრამის „კანონის უზენაესობის მხარდაჭერა საქართველოში“ მხარდაჭერით ჩატარდა, სასამართლო სისტემაში არსებული დარღვევები და გადაცდომებია ასახული.

როგორც "ლელოში" განმარტავენ, კვლევის ფარგლებში, საქართველოს სასამართლო გადაწყვეტილებების დასაბუთების ხარისხის შესაფასებლად საქართველოს სასამართლოების მიერ მიღებული 100 გადაწყვეტილება იქნა შესწავლილი.

"გამოვლენილია სასამართლოში არსებული სისტემური პრობლემები, დარღვევები და მძიმე გადაცდომები.

კვლევის შედეგად გამოიკვეთა მძიმე სისტემური პრობლემები, რიგ შემთხვევებში გადაწყვეტილებას იღებს მთელი სისტემა, მოსამართლეთა ჯგუფი და არა ინდივიდუალურად თითოეული მოსამართლე. არის შემთხვევები, როდესაც სხვადასხვა მოსამართლის გადაწყვეტილებებში ტექსტები არის სრულიად იდენტური. მოსამართლეებს გააზრებული აქვთ საკუთარი სოციალური როლი და არ გაურბიან საკითხზე ფართო კონტექსტში მსჯელობას, როცა ეს მსჯელობა წინააღმდეგობაში არ მოდის ხელისუფლების პოლიტიკასთან. კვლევაში ნათლად ჩანს კონკრეტული მოსამართლეების მიკერძოებულობა, როდესაც საუბარია დაჩქარებული წესით საქმეების განხილვაზე. როგორც წესი, არ არის დასაბუთებული სასჯელის მიზნები და წინაპირობები თითოეულ პირთან მიმართებაში, ინდივიდუალურად.

ეს მცირე ჩამონათვალია იმ პრობლემებისა, რომელიც 176 გვერდიან დასკვნაში მოხვდა. "დემოკრატიის ინდექსი - საქართველოს" და დამოუკიდებელი იურისტების ჯგუფის მიერ მომზადებული კვლევა დეტალურად მოიცავს სასამართლოში არსებულ ხარვეზებს სხვადასხვა მიმართულებით და ეს დიაპაზონი საკმაოდ ვრცელია,"- აცხადებენ "ლელოში".

კვლევაზე, ადგილობრივ ექსპერტებთან ერთად, გადაწყვეტილებების შეფასების მეთოდოლოგიის და კრიტერიუმების შემუშავებაში მონაწილეობდა ექსპერტი ამერიკის შეერთებული შტატებიდან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024