პროექტის - „ევროპეიზაცია ქართულ სკოლებში" ფარგლებში, პედაგოგები დასავლეთ საქართველოდან ტრენინგისთვის ზუგდიდში შეიკრიბებიან

"ევროპის უნივერსიტეტის" აკადემიური გუნდი ევროკავშირის მიერ თანადაფინანსებული ერაზმუს+ ჟან მონეს პროექტის - „ევროპეიზაცია ქართულ სკოლებში" ფარგლებში, საჯარო სკოლების პედაგოგ-დირექტორებს ევროპულ ღირებულებებსა და სტანდარტებში გადაამზადებს. ამის შესახებ ინფორმაციას "ევროპის უნივერსიტეტი" ავრცელებს.

მათი განცხადებით, ტრენინგები დასავლეთ საქართველოდან დაიწყება და მასში ქუთაისის, ბათუმის, ლანჩხუთის, მესტიის, ჭუბერის, ხაიშის და ზუგდიდის სკოლის წარმომადგენლები მიიღებენ მონაწილეობას.

ამასთან, "ევროპის უნივერსიტეტის" პროფესორ-მასწავლებლები მონაწილეებს ორი დღის განმავლობაში, ისეთ თეორიულ და პრაქტიკულ თემებზე გადაამზადებენ, როგორებიცაა: ზოგადსაგანმანათლებლო დაწესებულებების, მშობლების, სამოქალაქო საზოგადოების ერთობლივი ძალისხმევის გაძლიერება და შეფასების სისტემის რეფორმა.

"ევროპის უნივერსიტეტის" მიერ გავრცელებული ინფორმაციის თანახმად, ტრენინგის გახსნას სამეგრელო-ზემო სვანეთის მხარეში სახელმწიფო რწმუნებულის პირველი მოადგილე, ნინო ვიბლიანი, დაესწრება.

აღსანიშნავია, რომ ტრენინგების თემატიკა დასავლეთ საქართველოსთვის 2021 წლის ზაფხულში "ევროპის უნივერსიტეტის" ამავე პროექტის ფარგლებში ჩატარებული საველე კვლევის შედეგებსა და შესაბამის რეკომენდაციებზე დაყრდნობით ყველაზე პრობლემატურად გამოკვეთილი საკითხების საფუძველზე შემუშავდა.

ასევე, EU-GS პროექტის მიზანი ევროკავშირთან ასოცირების ხელშეკრულებით ნაკისრი ვალდებულებების შესრულების გზაზე საქართველოს საშუალო განათლების სისტემის ევროპეიზაციის მიმართულებით დახმარებაა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს