ნონა მამულაშვილი - პროტესტის ტალღა არ არის შეჩერებული და ის უფრო მეტ ძალას და ენერგიას იკრებს - ვხედავთ, როგორი აღშფოთებულია მოსახლეობა იმ პოლიტიკური ჭაობით, რასაც დღეს საქართველოში ხედავს

თუ „ქართულმა ოცნებამ“ არ შესთავაზა მოსახლეობას რაიმე სიახლე, რაიმე პოზიტიური წინსვლა და არ დაასრულა ეს პოლარიზაცია, რომლითაც ბოლო 9 წლის განმავლობაში უკვე გადაღალა მოსახლეობა, „ქართული ოცნების“ მიერ პოლიტიკური ძალაუფლების შენარჩუნება ძალიან დიდი კითხვის ნიშნის ქვეშ დგება, - ამის შესახებ „ნაციონალური მოძრაობის“ წევრმა ნონა მამულაშვილმა „პალიტრანიუსის“ გადაცემა „360 გრადუსში“ განაცხადა.

მისი თქმით, ზოგადად ისეთი დუღილი და უკმაყოფილება, როგორიც დღეს არის საზოგადოებაში, სრულდება იმით, რომ მოსახლეობას სჭირდება ახალი არჩევნები, კოალიციური ხელისუფლება და სჭირდება ახალი ეკონომიკური წინსვლა.

„ის, რომ პროტესტის ტალღა არ არის შეჩერებული და ის უფრო და უფრო მეტ ძალას და ენერგიას იკრებს, ამაზე, მე ვფიქრობ, ორი აზრი არ არსებობს. იგივე ჩვენს გარემოცვაში ვხედავთ როგორი აღშფოთებულია ზოგადად მოსახლეობა იმ პოლიტიკური ჭაობით, რასაც დღეს საქართველოში ხედავს. არ აქვს მნიშვნელობა, რომელ პოლიტიკურ მხარეს დგას ადამიანი, ყველა ხედავს, რომ ქვეყანას აქვს ძალიან სერიოზული პრობლემები, დაწყებული პოლიტიკურიდან, დასრულებული ეკონომიკითა და კოვიდპანდემიით, ამიტომ ეს პროცესი რაღაცნაირად უნდა მივიდეს კულმინაციამდე, იმიტომ, რომ მოსახლეობას სჭირდება ცვლილება და ცვლილებას ვერ სთავაზობს „ქართული ოცნება“, ამოწურა მან რესურსი და მხოლოდ მიტაცებით ვერ შეძლებს ის ხელისუფლების შენარჩუნებას. თუ „ქართულმა ოცნებამ“ არ შესთავაზა მოსახლეობას რაიმე სიახლე, რაიმე პოზიტიური წინსვლა და არ დაასრულა ეს პოლარიზაცია, რომლითაც ბოლო 9 წლის განმავლობაში უკვე გადაღალა მოსახლეობა, მე ვფიქრობ, რომ "ქართული ოცნების“ მიერ პოლიტიკური ძალაუფლების შენარჩუნება ძალიან დიდი კითხვის ნიშნის ქვეშ დგას. თუ გადავხედავთ, ზოგადად როგორ მიმდინარეობს პოლიტიკური პროცესები, სხვადასხვა ქვეყანაში ამისთანა დუღილი ყოველთვის სრულდება იმით, რომ მოსახლეობას სჭირდება ახალი არჩევნები, სჭირდება ახალი კოალიციური ხელისუფლება და სჭირდება ახალი ეკონომიკური წინსვლა“,- განაცხადა ნონა მამულაშვილმა.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ