უკრაინამ ლიეტუვისგან „სტინგერის“ საზენიტო-სარაკეტო სისტემები და საბრძოლო მასალა მიიღო, - ამის შესახებ უკრაინის თავდაცვის მინისტრი, ოლეკსი რეზნიკოვი „ტვიტერში“ წერს.
რეზნიკოვი ლიეტუვის მთავრობასა და ხალხს მადლობას უხდის.
„მადლობა ლიეტუვის მთავრობას, ლიეტუველ ხალხს დახმარებისთვის. ვაფასებ ჩვენს მრავალსაუკუნოვან მეგობრობას და ერთმანეთის მიმართ ძლიერ მხარდაჭერას!“- წერს უკრაინის თავდაცვის უწყების ხელმძღვანელი.
ამასთან, ორმა თვითმფრინავმა უკრაინაში შეერთებული შტატებიდან დაახლოებით 180 ტონა საბრძოლო მასალა ჩაიტანა.
ოლეკსი რეზნიკოვი წერს, რომ უკრაინას აშშ-სგან, საერთო ჯამში, 1 500 ტონამდე საბრძოლო მასალა აქვს მიღებული.
„ჩვენს მეგობრებს არ სძინავთ,“ - აცხადებს უკრაინის თავდაცვის მინისტრი.
