თავდაცვისა და უშიშროების კომიტეტი სახელმწიფო უსაფრთხოების სამსახურის უფროსის პარლამენტში მიწვევას არ აპირებს

თავდაცვისა და უშიშროების კომიტეტი სახელმწიფო უსაფრთხოების სამსახურის უფროსის პარლამენტში მიწვევას არ აპირებს. აღნიშნულის თაობაზე განცხადებას პარლამენტის თავდაცვისა და უშიშროების კომიტეტის თავმჯდომარე ირაკლი ბერაია, კომიტეტის თავმჯდომარის პირველი მოადგილე ალექსანდრე ტაბატაძე და კომიტეტის თავმჯდომარის მოადგილე ვლადიმერ ჩაჩიბაია ავრცელებენ.

„თავდაცვისა და უშიშროების კომიტეტი სახელმწიფო უსაფრთხოების სამსახურის უფროსის მოწვევას არ აპირებს. პირველ ყოვლისა იმიტომ, რომ ამის საჭიროებას ვერ ვხედავთ და მეორე, აღნიშნულის შესახებ გადაწყვეტილება მიიღება კომიტეტის მიერ და არა "ნაციონალური მოძრაობის" გემოვნების და დღის წესრიგის საფუძველზე.

განსაკუთრებულ შეშფოთებას იწვევს ბინძური და ცილისმწამებლური კამპანია უპასუხისმგებლო და დესტრუქციული სუბიექტებისგან, რომლის მთავარი ამოცანაა ქვეყნის უსაფრთხოების საფუძვლების მორყევა და ამ მიზნით უსაფრთხოების სამსახურის, მისი უფროსის და პირადი შემადგენლობის დისკრედიტაცია.

აღნიშნული ქმედება არ არის ერთადერთი და შემთხვევითი. ეს არის ქვეყნისა და სამსახურის წინააღმდეგ მიმართული ბინძური კამპანიის სერიის გაგრძელება და ერთ-ერთი მორიგი გამოვლინება. განსაკუთრებით ყურადსაღებია, ამ სუბიექტების გააქტიურება უსაფრთხოების გარემოს მკვეთრი გაუარესების ფონზე, რაც პირდაპირ შედის საქართველოს მიმართ მტრულად განწყობილი სახელმწიფოს ინტერესებში, მათ შორის ჩვენი ქვეყნის, ხელისუფლების და ინსტიტუტების რეპუტაციული დაზიანების მცდელობით.

ჩვენ, როგორც თავდაცვისა და უსაფრთხოების სფეროზე ზედამხედველი კომიტეტის წევრები, სრულ მხარდაჭერას ვუცხადებთ უსაფრთხოების სამსახურს, მის ხელმძღვანელობას და პირად შემადგენლობას. სამსახურს სათავეში უდგას პატრიოტი, მაღალი კვალიფიკაციის ღირსეული პროფესიონალი, რომლის ხელმძღვანელობითაც უწყება ეფექტიანად საქმიანობს საქართველოს წინააღმდეგ მიმართული შიდა თუ გარე საფრთხეების პრევენციის და ნეიტრალიზაციის თვალსაზრისით. სწორედ ეს არ არის თავსებადი მავნებლების დღის წესრიგთან, რაც იწვევს მათ არაადეკვატურ ნაბიჯებს.

ჩვენ მჭიდროდ ვთანამშრომლობთ უსაფრთხოების სამსახურთან, ვიყენებთ ზედამხედველობის სფეროში არსებულ ყველა ინსტრუმენტს და ვაცხადებთ, რომ სამსახურის და მისი ხელმძღვანელობის შესახებ ცილისმწამებლური გამონათქვამები მოკლებულია ყოველგვარ საფუძველს, ატარებენ ვიწროპოლიტიკურ, პროვოკაციულ ხასიათს, წარმოადგენენ მავნებლური დღის წესრიგის ნაწილს“, - აღნიშნულია განცხადებაში.

ცნობისათვის, ფრაქცია „ნაციონალური მოძრაობა“ სახელმწიფო უსაფრთხოების სამსახურის უფროსს, გრიგოლ ლილუაშვილს ფარულ მოსმენებთან და ე.წ ქოლ-ცენტრების საქმესთან დაკავშირებით პარლამენტში იბარებს. ლევან ხაბეიშვილის თქმით, ლილუაშვილმა მას და ორ ტელეკომპანიას ე.წ. ქოლ-ცენტრების საქმეზე სასამართლოში უჩივლა, თუმცა, რეალურად საერთაშორისო გამოძიება სწორედ გრიგოლ ლილუაშვილის პერსონით დაინტერესდა და მის წინააღმდეგ გამოძიება დაიწყება.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს