ნიკოლოზ სამხარაძემ ლიეტუველ კოლეგასთან საგარეო პოლიტიკის პრიორიტეტებზე და უსაფრთხოების გარემოზე ისაუბრა

პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ლიეტუვას საგარეო საქმეთა კომიტეტის ახლად დანიშნულ თავმჯდომარესთან, ლაიმა ანდრიკიენესთან გაცნობითი ხასიათის ონლაინ შეხვედრა გამართა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, მხარეებმა საქართველოს და ლიეტუვას შორის არსებული ურთიერთობები ასევე, ორმხრივ და მრავალმხრივ საპარლამენტო ფორმატებში თანამშრომლობის პერსპექტივები მიმოიხილეს. ისაუბრეს საქართველოს და ლიეტუვას საგარეო პოლიტიკის პრიორიტეტებსა და ამოცანებზე.

როგორც პარლამენტის პრესსამსახურის მიერ გავრცელებულ ინფორმაციაშია აღნიშნული, შეხვედრაზე განიხილეს რეგიონული უსაფრთხოების გარემო, უკრაინის ირგვლივ მიმდინარე მოვლენები და საქართველოს ნატო-ში ინტეგრაციის პროცესი.

ნიკოლოზ სამხარაძემ ლიეტუველ კოლეგას საქართველოს ოკუპირებულ რეგიონებში არსებული მძიმე ვითარება და რუსეთის ის პოლიტიკა გააცნო, რომელიც ოკუპაციიდან უკვე ანექსიის პოლიტიკაში გადადის.

შეხვედრისას, საგარეო ურთიერთობათა კომიტეტის თავმჯდომარემ ყურადღება ასევე გაამახვილა პარლამენტის რეფორმების დღის წესრიგზე.

ლიეტუვას საგარეო კომიტეტის თავმჯდომარემ, ნიკოლოზ სამხარაძე ოფიციალური ვიზიტით ვილნიუსში მიიწვია.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის