ირაკლი ჩიქოვანი - ის, რაც გუშინ ზუგდიდში მოხდა, სირცხვილი იყო

ის, რაც გუშინ ზუგდიდში მოხდა, სირცხვილი იყო, - ასე შეაფასა პარლამენტის წევრმა "ქართული ოცნებიდან" ირაკლი ჩიქოვანმა ზუგდიდის საკრებულოს თავმჯდომარედ გიორგი გახარიას პარტია "საქართველოსთვის" წევრის, გიგა ფარულავას არჩევა.

როგორც ჩიქოვანმა პარლამენტის პლენარულ სხდომაზე განაცხადა, ეს გადაწყვეტილება „ნაციონალური მოძრაობისთვის“ მიიღეს.

„ოპოზიციიდან ჩვენი კოლეგები საუბრობენ იმაზე, რომ თითქოს ტერორი იყო. მინდა ყველას გავახსენო, ის, რაც ზუგდიდში 2010- 2011 წლებში ხდებოდა, ნამდვილი ტერორი და ის პოლიტიკური რეალობა იყო, რომელიც „ნაციონალურმა მოძრაობამ“ ზუგდიდს შესთავაზა. ის, რაც „ნაციონალურ მოძრაობას“ ზუგდიდში აქვს გაკეთებული, თუნდაც ტერორის, საკუთარი თანამოქალაქეების დაშინებისა და შეურაცხყოფის თვალსაზრისით, ყველას კარგად გვახსოვს. ამის ფონზე, როდესაც ეს გარიგება ხდება, ზუგდიდისთვის უდიდესი სირცხვილია. ვიღაცები ამას დაარქმევენ, რომ ეს გადაწყვეტილება ზუგდიდის მოსახლეობისთვის, „საქართველოსთვის“ იყო, მაგრამ ეს გადაწყვეტილება იყო ერთადერთი- „ნაციონალური მოძრაობისთვის“. სამწუხარო რეალობაა, როდესაც ასეთი თანხვედრა არსებობს ჩვენი ყოფილი თანაგუნდელებს მხრიდან იმ რეალობასთან მიმართებით, რაც ჩვენ ზუგდიდში გვაქვს“, - განაცხადა ირაკლი ჩიქოვანმა.

ცნობისთვის, ზუგდიდის საკრებულოს თავმჯდომარე გიორგი გახარიას პარტია "საქართველოსთვის" წევრი, გიგა ფარულავა გახდა.

კენჭისყრაში მონაწილეობა საკრებულოს 25 - მა დეპუტატმა მიიღო, მათ შორის კანდიდატს მხარი დაუჭირა "ერთიანმა ნაციონალურმა მოძრაობამ". "ქართულ ოცნებას" კენჭისყრაში მონაწილეობა არ მიუღია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024