14 თებერვალს კავკასიის საერთაშორისო უნივერსიტეტის სამართლის ფაკულტეტის საბაკალავრო და სამაგისტრო პროგრამის სტუდენტებისათვის ონლაინ საჯარო ლექცია გაიმართა თემაზე: „საავტორო უფლებების დაცვა სოციალურ ქსელებში“, რომელსაც უძღვებოდა ლევან ნანობაშვილი - ფულბრაიტის პროგრამის მონაწილე, ინტერნეტ სამართლის მკვლევარი სირაკუზის უნივერსიტეტში (აშშ), - ამის შესახებ ინფორმაციას კავკასიის უნივერსიტეტი ავრცელებს.

მათივე ინფორმაციით, ლექციის ფარგლებში ლევან ნანობაშვილმა სოციალურ მედიაში არსებულ სამართლებრივ პრობლემებსა და მათი გადაჭრის გზებზე ისაუბრა.

„მომხსენებელმა ყურადღება გაამახვილა საქართველოს კანონმდებლობაზე, სოციალურ ქსელში საავტორო უფლებების დარღვევის კუთხით და ამ მიმართულებით სასამართლო პრაქტიკა განიხილა. შეხვედრა ინტერაქტიული ფორმატით წარიმართა, სადაც სტუდენტებს საშუალება ჰქონდათ მიემართათ სპიკერისთვის მათთვის საინტერესო შეკითხვებით“, - ნათქვამია ინფორმაციაში.