შემოსავლების სამსახურის დელეგაცია სომხეთის რესპუბლიკის სახელმწიფო შემოსავლების კომიტეტის თავმჯდომარეს შეხვდა

სომხეთის რესპუბლიკის სახელმწიფო შემოსავლების კომიტეტის თავმჯდომარის რუსტამ ბადასიანის ინიციატივით, ფინანსთა სამინისტროს შემოსავლების სამსახურის დელეგაცია, სამუშაო ვიზიტით, სომხეთს ეწვია, - ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

მათივე ინფორმაციით, სამუშაო შეხვედრის ფარგლებში, შემოსავლების სამსახურის ხელმძღვანელმა ლევან კაკავამ თავის კოლეგასთან ერთად ორმხრივი ურთიერთობის აქტუალური საკითხები განიხილა და ქვეყნებს შორის ეკონომიკური და სავაჭრო თანამშრომლობის მხარდაჭერის შესახებ ისაუბრა.

ამასთან, შეხვედრაზე მხარეებმა, დღის წესრიგით განსაზღვრული საკითხები განიხილეს, კერძოდ, სომხეთის რესპუბლიკის სახელმწიფო შემოსავლების კომიტეტსა და საქართველოს ფინანსთა სამინისტროს შორის სატრანსპორტო საშუალებებისა და საქონლის საერთაშორისო გადაადგილების თაობაზე წინასწარი ელექტრონული მონაცემების გაცვლის თაობაზე ოქმით განსაზღვრული დებულებების შესრულების საკითხი (ხელმოწერილი 2019 წლის 18 ნოემბერს, ძალაში შევიდა 2021 წლის 1 მაისს), ასევე ელექტრონული ინვოისების სისტემის ინტეგრირების, რეზიდენტობის ცნობის ელექტრონულად წარდგენისა და საბაჟო სფეროში ერთობლივი მმართველი კომიტეტის შექმნის შესაძლებლობა.

„შემოსავლების სამსახურის ხელმძღვანელმა დადებითად შეაფასა შეხვედრა და ხაზი გაუსვა მჭიდრო თანამშრომლობის კიდევ უფრო გაღრმავების მნიშვნელობას.

დასასრულს, ლევან კაკავამ სომხეთის რესპუბლიკის სახელმწიფო შემოსავლების კომიტეტის თავმჯდომარეს რუსტამ ბადასიანს მადლობა გადაუხადა აქტიური და ეფექტური თანამშრომლობისთვის.

დელეგაციის შემადგენლობაში იყვნენ; საქართველოს ფინანსთა სამინისტროს საფინანსო ანალიტიკური სამსახურის უფროსი ჯონი შურღულაია, შემოსავლების სამსახურის უფროსის მოადგილე ვლადიმერ ხუნდაძე, საბაჟო დეპარტამენტის ხელმძღვანელი ზურაბ სიჭინავა, მომსახურების დეპარტამენტის უფროსი ლევან დგებუაძე, საერთაშორისო ურთიერთობათა დეპარტამენტის უფროსი სამსონ ურიდია და საინფორმაციო-ტექნოლოგიების ცენტრის ხელმძღვანელი ნოდარ კაკრიაშვილი“, - ნათქვამია ინფორმაციაში.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში