გიორგი ვაშაძე - რუსთავში არჩევნებში მონაწილეობის მიღებას ვაპირებდით, თუმცა, კონსულტაციები გვქონდა და შევთანხმდით, რომ დიდი ალბათობით, კანდიდატურას არ დავაყენებთ

ჩვენ ვაპირებდით არჩევნებში მონაწილეობის მიღებას, თუმცა, კონსულტაციების შედეგად შევთანხმდით, რომ დიდი ალბათობით არ დავაყენებთ კანდიდატურას რუსთავში, - ამის შესახებ ჟურნალისტებთან "სტრატეგია აღმაშენებლის" ლიდერმა, გიორგი ვაშაძემ განაცხადა.

ვაშაძე რუსთავში მაჟორიტარობის კანდიდატად ბადრი ჯაფარიძის დასახელებას გამოეხმაურა და აღნიშნა, რომ მათ კონსულტაციები ექნებათ "ლელოსთან".

"ხაზგასმით ვამბობ, რომ "სტრატეგია აღმაშენებელი", რეფორმების ჯგუფი, ჩვენი პარტნიორი პარტიები, "რესპუბლიკური პარტია" ვფიქრობდით რამდენიმე კანდიდატურასთან დაკავშირებით რუსთავში, ვაპირებდით მონაწილეობის მიღებას არჩევნებში, თუმცა, გვქონდა კონსულტაციები დღეს და შევთანხმდით, რომ არ დავაყენებთ კანდიდატურას დიდი ალბათობით, დანარჩენ დეტალებზე, როცა გვექნება "ლელოს" წარმომადგენლებთან საუბარი, ჩამოვყალიბდებით. ვფიქრობ, საკმაოდ საინტერესო და მნიშვნელოვანი იქნება რუსთავში არჩევნები და იმედია, შედეგიც იქნება ხალხისთვის სასარგებლო და კიდევ ერთ ნაბიჯს გადავდგამთ ხელისუფლების დემონტაჟისკენ. შემთხვევით არ ვამბობ, რომ შესაძლებლობა არის იმის, რომ თუ ახლო მომავალში არა, საშუალო ვადაში მაინც უმრავლესობა დაიშალოს და ახალი უმრავლესობა ჩამოყალიბდეს ამ პარლამენტში,"- განაცხადა ვაშაძემ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება