პაატა მანჯგალაძე - კობახიძის განცხადება მიუთითებს იმაზე, რომ ბადრი ჯაფარიძესთან დაკავშირებით „ქართული ოცნების“ გადაწყვეტილების უკან სამართლებრივი არგუმენტები არ იდგა

კობახიძის განცხადება დასტურია იმის, რომ „ქართულ ოცნებას“ პარლამენტში ოპოზიციის სიმრავლის ეშინია, - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანგალაძემ განაცხადა.

მისი თქმით, კობახიძის გუშინდელი განცხადება იმის თაობაზე, რომ თუ ბადრი ჯაფარიძე აღიარებდა დანაშაულს, მანდატს არ შეუწყვეტდნენ, მიუთითებს იმაზე, რომ „ქართული ოცნების“ გადაწყვეტილების უკან სამართლებრივი არგუმენტები არ იდგა.

„ეს მიუთითებს იმაზე, რაზეც საუბრობდა ოპოზიცია და „სტრატეგია აღმაშენებელი“, კერძოდ, ამ გადაწყვეტილების მიღების არანაირი სამართლებრივი საფუძველი არ არსებობდა და ეს იყო პოლიტიკური გადაწყვეტილება, რადგან ოპოზიციის სიმრავლე აშინებს „ქართულ ოცნებას“ პარლამენტში, მათ ეშინიათ საგამოძიებო კომისიების, რადგან ხალხი გაიგებს სიმართლეს, ეს არის შიშის პოლიტიკა და მიუთითებს „ქართული ოცნების“ სისუსტეზე“, - განაცხადა მანჯგალაძემ.

„ქართული ოცნების“ თავმჯდომარე ირაკლი კობახიძემ „პალიტრანიუსის“ გადაცემაში „360 გრადუსი“ ბადრი ჯაფარიძისთვის უფლებამოსილების შეწყვეტის შესახებ საუბრისას განაცხადა, რომ ბადრი ჯაფარიძის მიერ დანაშაულის აღიარების პირობებში მმართველი გუნდის გადაწყვეტილება ძალიან მაღალი ალბათობით განსხვავებული იქნებოდა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად