ალეკო ელისაშვილი - ბაღის აღსაზრდელები არ ვართ და კობახიძე ჩვენი დამრიგებელი არ არის, რომ ჭკუას გვარიგებდეს

ასე ნორმალური პოლიტიკოსები არ საუბრობენ, ეს არის პოლიტიკური პროცესების პარტიული ნაჭუჭიდან ყურება - ჩვენ არ ვართ საბავშვო ბაღში, ბაღის აღსაზრდელები არ ვართ და კობახიძე არ არის ჩვენი დამრიგებელი, რომ ასე ჭკუას გვარიგებდეს,- ამის შესახებ ჟურნალისტებთან „მოქალაქეების“ დეპუტატმა ალეკო ელისაშვილმა განაცხადა, რითაც გამოეხმაურა ბადრი ჯაფარიძისთვის მანდატის გაუქმების შესახებ პარტია "ქართული ოცნების" თავმჯდომარის, ირაკლი კობახიძის განცხადებას.

მისი თქმით, კობახიძის განცხადება იყო იმის აღიარება, რომ პოლიტიკურ პროცესებს საკუთარი პარტიული პრიზმიდან უყურებს.

"ეს არის ძალიან ცუდი პოლიტიკური კულტურის გამოვლენა, გულწრფელი აღიარება იმის, რასაც "ქართული ოცნება" აკეთებს, რომ პოლიტიკურ პროცესს სამწუხაროდ, უყურებს საკუთარი პარტიული გადასახედიდან, პრიზმიდან და არა სახელმწიფოებრივი გადასახედიდან. ეს არის გულდასწყვეტი, როცა ასე უყურებ მოვლენებს, რომ როცა "ქართული ოცნებისთვის" კარგ რამეს გააკეთებ, პრობლემა არ გექნება და როცა არ გააკეთებ, მაშინ პრობლემა გექნება და მანდატს გაგიუქმებს,"- განაცხადა ელისშვილმა.

ცნობისათვის, "ქართული ოცნების“ თავმჯდომარე ირაკლი კობახიძემ „პალიტრანიუსის“ გადაცემაში „360 გრადუსი“ ბადრი ჯაფარიძისთვის უფლებამოსილების შეწყვეტის შესახებ საუბრისას განაცხადა, რომ ბადრი ჯაფარიძის მიერ დანაშაულის აღიარების პირობებში მმართველი გუნდის გადაწყვეტილება ძალიან მაღალი ალბათობით განსხვავებული იქნებოდა. მისივე თქმით, სამართლებრივად ყველაფერი გამართულია.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია