ლაშა ხუციშვილი - 2021 წელს საგადასახადო შემოსავლებმა 13 მილიარდ 820 მილიონი ლარი შეადგინა, რაც მშპ-ს 23,2 პროცენტია

2021 წელს საგადასახადო შემოსავლებმა 13 მილიარდ 820 მილიონი ლარი შეადგინა, რაც მშპ-ს 23,2 პროცენტია, - ამის შესახებ ფინანსთა მინისტრმა, ლაშა ხუციშვილმა „მინისტრის საათის“ ფორმატში სიტყვით გამოსვლისას განაცხადა.

როგორც მან აღნიშნა, 2021 წელს საგადასახადო შემოსავლების გეგმური მაჩვენებელი ორჯერ გაიზარდა და ჯამში, ზრდამ მილიარდ 226 მილიონი ლარი შეადგინა.

„საბოლოო გეგმა 13 მილიარდ 271 მილიონი ლარი იყო, ხოლო ფაქტიური შესრულების მიხედვით, მობილიზებულმა საგადასახადო შემოსავლებმა 13 მილიარდ 380 მილიონი ლარი შეადგინა, რაც პირველად გეგმასთან შედარებით, მილიარდ 335 მილიონი ლარით მეტია. აღსანიშნავია, რომ პანდემიის საპასუხოდ დაწესებული საგადასახადო შეღავათების მაჩვენებელი, 270 მილიონი ლარი იყო. გარდა ამისა, საგადასახადო ზედმეტობის ქვეანგარიშზე აკუმულირებულმა თანხამ 170 მილიონ ლარს გადააჭარბა“, - განაცხადა ფინანსთა მინისტრმა.

მისი თქმით, 2021 წელს მობილიზებულმა საგადასახადო შემოსავლებმა 13 მილიარდ 820 მილიონი ლარი შეადგინა, რაც მთლიანი შიდა პროდუქტის 23,2 პროცენტია.

„დაგეგმილთან შედარებით, მაღალი გადაჭარბება იყო საგადასახადო შემოსავლების ყველა სახეში, თუმცა შევჩერდები გადასახადების იმ კატეგორიებზე, რომელიც პირდაპირ უკავშირდება ქვეყანაში ეკონომიკურ აქტივობას. დღგ-ის გეგმური მაჩვენებელი 5 მილიარდ 367 მილიონ ლარს შეადგენდა, თუმცა მაღალი ეკონომიკური ზრდის შედეგად, ფაქტიურად მობილიზებულ იქნა 650 მილიონი ლარით მეტი, 6 მილიარდ 30 მილიონი ლარი. საშემოსავლო გადასახადში ფაქტიურმა მაჩვენებელმა 3 მილიარდ 776 მილიონი ლარი შეადგინა, ხოლო დაწესებული შეღავათის ეფექტის ჩათვლით, 4 მილიარდ ლარს გადააჭარბა. პირველად გეგმასთან შედარებით, გადაჭარბება თითქმის 200 მილიონი ლარი იყო, რაც პირდაპირ ნიშნავს პროგნოზირებულთან შედარებით უფრო მაღალ დასაქმებასა და შესაბამისად, კერძო სექტორის მიერ მეტი ანაზღაურების გაცემას“, - განაცხადა ფინანსთა მინისტრმა, ლაშა ხუციშვილმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა