ირაკლი კობახიძე - საქმე ეხება გახარიასა და „ნაცმოძრაობას“ შორის კავშირს, რასაც შესაძლოა, მოგვიანებით მოეფინოს ნათელი - წარმოვიდგინოთ, რომ იყო დაფინანსების კონკრეტული ფაქტი

საქმე ეხება გახარიასა და „ნაცმოძრაობას“ შორის კავშირს, რასაც შესაძლოა, მოგვიანებით მოეფინოს ნათელი -წარმოვიდგინოთ, რომ იყო დაფინანსების კონკრეტული ფაქტი, - ამის შესახებ პარტია „ქართული ოცნების“ თავმჯდომარე ირაკლი კობახიძემ მედიასთან განაცხადა.

როგორც მმართველი პარტიის თავმჯდომარე აღნიშნავს, „უხერხულობაში“, რომელიც გახარიასთან მიმართებაში ახსენა, „რა თქმა უნდა, პირადზე არ არის საუბარი“.

„საქმე ეხება კავშირს გახარიასა და „ნაცმოძრაობას“ შორის. აქ არის გარკვეული ნიუანსები, გარკვეული დეტალები, რასაც შესაძლოა, მოგვიანებით ნათელი მოეფინოს. მაგალითად, წარმოვიდგინოთ, რომ იყო დაფინანსების კონკრეტული ფაქტი, დავასახელოთ ეს დეტალები და საზოგადოებისთვის გახდეს ცნობილი - მაგალითად, როგორ, როდის, რისთვის იღებდა. პირობითად ვამბობ, დეტალებზე მოგვიანებით ვისაუბრებთ - წარმოვიდგინოთ, რომ ამ დაფინანსების დეტალები ხდება საზოგადოებისთვის ცნობილი. ბუნებრივია, ეს იქნება ძალიან საინტერესო საზოგადოებისთვის, შესაძლოა, მოგვიანებით გავუზიაროთ საზოგადოებას“, - განაცხადა ირაკლი კობახიძემ.

ამასთან, ირაკლი კობახიძემ დასძინა, რომ აღნიშნულთან დაკავშირებით ინფორმაცია პარტიაში მხოლოდ მას არ აქვს.

„მხოლოდ მე არ ვიცი, არიან კონკრეტული პირები, რომლებსაც აქვთ ეს ინფორმაცია, რა თქმა უნდა, ვიწრო წრეზეა საუბარი. ჩვენ გვაქვს ეს ინფორმაცია და მოგვიანებით, მთელი საზოგადოებისთვის გავასაჯაროებთ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა