გურამ მაჭარაშვილის განცხადებით, ცესკოს თავმჯდომარის არჩევის წესის შეცვლის და „საარჩევნო კოდექსში“ არსებულ 2/3-იან კვორუმის გაუქმების საკითხზე გუნდში არანაირი კონსულტაცია არ ყოფილა

“ქართული ოცნების“ დეპუტატის, გურამ მაჭარაშვილის ინფორმაციით, ცესკოს თავმჯდომარის არჩევის წესის შეცვლის და „საარჩევნო კოდექსში“ არსებულ 2/3-იან კვორუმის გაუქმების საკითხზე გუნდში არანაირი კონსულტაცია არ ყოფილა.

ამასთან, კითხვაზე, სამომავლოდ რამდენად მოსალოდნელია ცესკოს თავმჯდომარის პოსტზე ისეთი კანდიდატურის შერჩევა, რომელიც მრავალპარტიული, 100 ხმიანი კვორუმით შეიძლება იყოს არჩეული, მაჭარაშვილმა განაცხადა, რომ ცესკოს მოქმედი თავმჯდომარე გიორგი კალანდარიშვილი ცესკოს წინაშე არსებულ გამოწვევებს კარგად პასუხობს.

„სამწუხაროდ, ოპოზიციაში პარლამენტის წევრების ის რაოდენობა არ აღმოჩნდა, რომლებიც პარტიულ ინტერესებს გადააბიჯებდნენ და ცესკოს თავმჯდომარის თანამდებობაზე მხარს გიორგი კალანდარიშვილს დაუჭერდნენ. მის მიმართ პრაქტიკულად არანაირი შენიშვნა არ არსებობს, გარდა იმისა, რომ ცესკოში მუშაობდა. მის წინააღმდეგ სწორედ ასეთი უსუსური არგუმენტი არსებობს. კარგი იქნებოდა ცესკოს თავმჯდომარე ხმების 2/3-ით არჩეულიყო, მაგრამ თუ ეს არ ხდება, მოგვიწევს იმ რეალობას მივყვეთ, რა რეალობაც არსებობს", - აღნიშნა გურამ მაჭარაშვილმა.

გიორგი კალანდარიშვილმა "პალიტრანიუსის" ეთერში ცესკოს თავმჯდომარის ხანგრძლივი ვადით არჩევის მნიშვნელობაზე ისაუბრა და აღნიშნა, რომ ეს ინსტიტუციის განვითარებას, სტაბილურ მდგრადობას და მისი დამოუკიდებლობის ხარისხის ამაღლებას უზრუნველყოფს. აღნიშნულ კონტექსტში მან გაიზიარა მმართველი გუნდის პოზიცია, რომ საარჩევნო კანონმდებლობა უნდა გადაიხედოს და ამოქმედდეს ნორმები, რომლებიც შესაძლებელს გახდის ცესკოს თავმჯდომარის 5 წლის ვადით არჩევას. კალანდარიშვილის თქმით, შარლ მიშელის შეთანხმების საფუძველზე შემოღებული მექანიზმი, კერძოდ, თავმჯდომარის 6 თვით არჩევის კომპონენტი გარდამავალი პერიოდისთვის დროებითი ზომა იყო.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა