თბილისის საქალაქო სასამართლოსთან, სადაც საქართველოს მესამე პრეზიდენტის მიხეილ სააკაშვილის სასამართლო პროცესი უნდა გაიმართოს, მისი მხარდამჭერი აქცია მიმდინარეობს. ყოფილი პრეზიდენტის მხარდამჭერებს სასამართლოსთან ბანერი „თავისუფლება სააკაშვილის“ აქვთ გაშლილი.

სასამართლოს ეზოში, ასევე იმყოფებიან პოლიტიკოსები, რომლებიც დღეს მიხეილ სააკაშვილის პროცესს დაესწრებიან.

7 ნოემბრის საქმეზე სასამართლო პროცესი რამდენიმე წუთში დაიწყება. სხდომას, თავად ბრალდებული მიხეილ სააკაშვილიც დაესწრება.