ბადრი ჯაფარიძე - ირმა ინაშვილთან ოპოზიციის კონსოლიდაციაზე საუბარი არ ყოფილა - თქვა, რომ რუსთავში კანდიდატს არ აყენებენ

ირმა ინაშვილთან ოპოზიციის კონსოლიდაციაზე საუბარი არ ყოფილა. მან თქვა, რომ არ აყენებენ კანდიდატს რუსთავში, მას მოვუყევი იმ უმსგავსო საქციელზე, თუ როგორ მოიქცა „ქართული ოცნება“ ჩემთან მიმართებაში , - ამის შესახებ „ლელოს“ ერთ-ერთმა ლიდერმა, ბადრი ჯაფარიძემ ჟურნალისტებთან საუბრისას განაცხადა.

როგორც ის განმარტავს, „პატრიოტთა ალიანსის“ ლიდერს, ირმა ინაშვილს გუშინ შეხვედრაზე „მის მიმართ განხორციელებული პოლიტიკური დევნის დეტალები გააცნო“.

"ირმა ინაშვილს დიდი ხანია, რაც ვიცნობ. არანაირი მოგონილი კონსპირაციული შეხვედრა არ იყო. როგორ შეიძლება დღისით და მზისით კონსპირაციული შეხვედრა ჩაატარო პარლამენტთან კაფეში. არავისთან ყოფილა დასამალი ეს შეხვედრა. სხვა პოლიტიკოსებსაც შევხვდები. ირმას მოვუყევი იმასთან დაკავშირებით, თუ როგორ მოიქცა " ქართული ოცნება" ჩემთან მიმართებაში. მას ჟურნალისტიკის პერიოდიდან ვიცნობ. განსხვავებული პოლიტიკური პლატფორმები ხელს არ უნდა გვიშლიდეს ურთიერთობაში ადამიანებს, პოლიტიკოსებს. პაპუაშვილსაც შევხვედრილვარ, კობახიძესაც, ოხანაშვილს და კიდეც შევხვდები, მიუხედავად იმისა, რომ ჩემთვის მიუღებელ პოლიტიკას ატარებს "ქართული ოცნება". ეს ხომ არ ნიშნავს, რომ ურთიერთობა არ გქონდეს ადამიანებთან.

ოპოზიციის კონსოლიდაციაზე ირმა ინაშვილთან საუბარი არ ყოფილა. მან თქვა, რომ არ აყენებენ კანდიდატს რუსთავში. მას მოვუყევი იმ უმსგავსო საქციელზე, როგორც მოიქცა „ქართული ოცნება“ ჩემთან მიმართებაში. ამ პოლიტიკური დევნის დეტალები გავაცანი. მან გარკვევით, თქვა რომ რუსთავში არცერთ კანდიდატს არ უჭერენ მხარს.

მე შეხვედრები მაქვს სხვადასხვა პოლიტიკოსთან და გავაგრძელებ. ხვალ ელჩებს ვხვდები და ეს არანაირ კავშირში არ არის რუსთავში ჩემ კამპანიასთან. ამ დღეებში მექნება შეხვედრები, როგორც რუსთავის კამპანიაზე, ასევე ქვეყანაში არსებულ ვითარებაზე“,- აღნიშნავს ჯაფარიძე.

ჟურნალისტის კითხვას, იცოდა თუ არა მან, რომ ირმა ინაშვილი პუტინისთვის წერილის გაგზავნას აპირებდა, ჯაფარიძე პასუხობს, რომ მისი პოზიცია ინაშვილმა იცის და ნათელია, რომ აღნიშნულზე საუბარს ადგილი არ ექნებოდა.

ირმა ინაშვილმა ჩემი პოზიცია იცის. პუტინის რუსეთი დღეს ჩვენი ქვეყნის ოკუპანტია. შესაბამისად, ჩემი პოზიცია იცის და ამ თემაზე ჩემთან საუბარს რომ ადგილი არ ექნებოდა ნათელია“,- განმარტავს ჯაფარიძე.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო