გია ვოსლსკი - დამაზიანებელია პოზიცია, რასაც ექსპლუატაციას უწევენ ჩვენი ოპონენტები - თითქოს დალაპარაკებას, გასაუბრებას, წარმოჩენას ან ხმამაღალ შეყვირებას რაიმე შედეგი შეიძლება ჰქონდეს კონტექსტში, რაც დღეს მიმდინარეობს

არა თუ გულუბრყვილო, არამედ დამაზიანებელია პოზიცია, რასაც უწევენ ექსპლუატაციას ჩვენი პოლიტიკური ოპონენტები - თითქოს და დალაპარაკებას, გასაუბრებას, წარმოჩენას ან ხმამაღალ შეყვირებას რაიმე შედეგი შეიძლება ჰქონდეს იმ კონტექსტში, რაც დღეს მიმდინარეობს , - ასე პასუხობს პარლამენტის პირველი ვიცე-სპიკერი გია ვოლსკი კითხვას, რატომ არ ჰქონდა შეხვედრები საქართველოს პრემიერ-მინისტრს დასავლელ ლიდერებთან და უკრაინის პრეზიდენტთან მიუნხენის უსაფრთხოების კონფერენციის ფარგლებში.

როგორც ვოლსკიმ აღნიშნა, დაძაბულობა და დაპირისპირება იმდენად მრავალმხრივია, რომ საქართველოს თემა იმით არ განისაზღვრება, ვინ უფრო პოპულისტურ ნაბიჯს გადადგამს.

მისივე თქმით, დასავლელ პარტნიორებთან კონტაქტი არის ყოვედღიური და ინტენსიური.

“მიუნხენის კონფერენციის მონაწილე ქვეყნებს იმის შეხსენება არ სჭირდებათ, თუ რა საფრთხეს წარმოადგენს შექმნილი ვითარება - ის, რომ საქართველოზე არ არის საუბარი მუდმივად, იმას არ ნიშნავს, რომ საქართველოს თემა დღის წესრიგში უმაღლეს დონეზე არ არის.

აშკარაა დაპირისპირება. საქართველოს პოზიაცია აშკარაა და ამ აშკარა პოზიციიდან გამომდინარე პროცესებში მეტი ჩაღრმავება გვმართებს. ქვეყნდება უამრავი მასალა, თუ რას წარმოადგენს საქართველო მსოფლიოსთვის.

საქართველო არა თუ მივიწყებულია, არამედ ერთ-ერთი საკვანძო საკითხია, რომელიც ნატოსა და ევროკავშირის ქვეყნებს აღელვებს“, - განაცხადა გია ვოლსკიმ.

აქვე მან დასძინა, რომ “საქართველოს წინ რთული ამოცანა უდგას, რაც მდგომარეობს თავდაცვაში და გადარჩენაში იმ რყევებისგან, რასაც ქვეყანას არა მხოლოდ რუსეთი, არამედ ზოგიერთი პოლიტიკური ძალა უქადის“.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო