ბათუ ქუთელია - პუტინის რეჟიმის დასასრული ამ აგრესიით დაიწყო

პუტინის რეჟიმის დასასრული ამ აგრესიით დაიწყო, - ამის შესახებ პარტია „დროას“ ერთ-ერთმა ლიდერმა, ბათუ ქუთელიამ ბრიფინგზე განაცხადა.

მან რუსეთის აგრესიის გამო უკრაინას სოლიდარობა გამოუცხადა და განაცხადა, რომ ეს ომი პუტინის რეჟიმს დაასამარებს.

„დღეს რუსეთმა ღია ომი გამოუცხადა ჩვენი ცხოვრების წესს, ჩვენს თავისუფალ არჩევანს, თუ როგორ გვინდა აღვზარდოთ ჩვენი შვილები, როგორი სახელმწიფო გვინდა ავაშენოთ. ამაზე ერთადერთი პასუხი არის დასავლური სამყაროს სოლიდარობა და ერთიანობა. დღეს არ არსებობს ნაცრისფერი შუა, დღეს არის შავი და თეთრი. ამიტომ, ყველა ჩვენგანის ვალია დავდგეთ იქ, სადაც სინათლეა იმიტომ, რომ ეს არის ისტორიული არჩევანი. დღეს ჩვენს თვალწინ იწერება ისტორია, ისტორია იმისა, თუ როგორი იქნება მსოფლიო. დარწმუნებული ვართ, თუ ერთად დავდგებით ნათელი გაიმარჯვებს ბნელზე, პუტინი და რუსეთი დამარცხდება. პუტინის რეჟიმის დასასრული ამ აგრესიით დაიწყო. ეს აგრესია გახდება სწორედ ის, რაც დაასამარებს იმ აგრესიულ რეჟიმს, რომელმაც ბოლო საუკუნის განმავლობაში ამდენი უბედურება მოიტანა, მათ შორის საქართველოში, რომელიც ერთ-ერთი პირველი მსხვერპლია რუსეთის აგრესიის. შესაბამისად, ყველა ჩვენგანის ვალია დავდგეთ ერთად და გამოვხატოთ სოლიდარობა", - განაცხადა ქუთელიამ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი