საქართველოს მესამე პრეზიდენტის ბრალდების სისხლის სამართლის საქმის განხილვა მიხეილ სააკაშვილის გარეშე გრძელდება.
სიტყვით გამოსვლის დასრულების შემდეგ ყოფილმა პრეზიდენტმა სასამართლოს სხდომათა დარბაზი დატოვა.
მოსამართლე ნინო ჩახნაშვილმა სააკაშვილს ჰკითხა, დარჩებოდა თუ არა ის საქმის არსებით განხილვაზე.
"პიროვნულად გცემთ პატივს, მაგრამ თქვენ იცით, რომ თქვენ სასამართლოს საერთოდ არ ვაღიარებ", - განაცხადა სააკაშვილმა, რის შემდეგაც, ის სასამართლოს სხდომათა დარბაზიდან გავიდა.
ამ წუთებში, სასამართლოში მოწმეების დაკითხვა მიმდინარეობს. მათგან ნაწილი გამომძიებელია, ნაწილი კი, ის პოლიციელი, რომელმაც სააკაშვილი დააკავა.