უკრაინის პრეზიდენტმა ვლადიმერ ზელენსკიმ ევროკავშირს მოუწოდა გვერდში დაუდგეს უკრაინას და შეაჩერონ აგრესორი.
"ევროპის ბედი უკრაინაშია წყდება: თუ პუტინი ახლა არ მიიღებს ღირსეულ პასუხს, ის უფრო შორს წავა.აგრესორის წინააღმდეგ დაუყოვნებლივ უნდა იქნას მიღებული მკაცრი ეკონომიკური და ფინანსური სანქციები, ჩამოერთვას მას აგრესიის გასაგრძელებლად საშუალება: გამორთეთ SWIFT-დან, დააწესეთ ემბარგო ნავთობით და გაზით ვაჭრობაზე, დაეხმარეთ უკრაინის ჯარს იარაღით და საბრძოლო მასალით.
ჩვენი ხალხი იღუპება უკრაინის და ევროპის თავისუფლებისთვის. ღია კართან დიდი ხანი ვიცდით. ნატოში გაწევრიანებაზე ვიკითხეთ - პასუხი ვერ მოვისმინეთ.
ახლა ჩვენ გვჭირდება საერთაშორისო სამართლებრივი უსაფრთხოების გარანტიები, მკაფიო ევროპული პერსპექტივა, სწრაფი და კონკრეტული ქმედებები", - წერს ზელენსკი fACEBOOK-ზე.
