„ევროპელი სოციალისტების“ ერთ-ერთი ლიდერის, დავით ზილფიმიანის განცხადებით, ევროკავშირში წევრობის განაცხადის არგაკეთება 2024 წლამდე დაუშვებელია.

ამის შესახებ ზილფიმიანმა პარლამენტის პლენარულ სხდომაზე განაცხადა.

როგორც მან აღნიშნა, უკრაინაში მიმდინარე მოვლენებმა საქართველოს დამარცხებულის სინდრომი მოუხსნა.

„რატომ 2024 და რატომ არ შეიძლება უფრო სწრაფად დავიწყოთ ამის ქმედება? ახლა, როდესაც გარემოებებით კიდევ უფრო ფავორირებულია ეს ყველაფერი, ამის არგაკეთება დაუშვებლად მიგვაჩნია. ყველაზე დიდი, რაც უკრაინელი ხალხის ბრძოლამ გამოიწვია არა მარტო უკრაინისთვის, არამედ საქართველოსთვისაც, ჩემი აზრით, შემდეგია - ჩვენ აფხაზეთის დაკარგვის შემდეგ და 2008 წელს ე,.წ. სამხრეთ ოსეთის დაკარგვის შემდეგ წარმოგვექმნა დამარცხებულის სინდრომი. ის, რაც უკრაინელმა ხალხმა გააკეთა, მათ არა მარტო თვითონ მოიხსნეს, რაც 2014 წელს დაემართათ, დამარცხებულის სინდრომი, არამედ, საქართველოსაც მოხსნეს ეს მანტია. ეს არის ჩემი აზრით, ყველაზე დიდი რამ, რაც დღეს ხდება“, - განაცხადა ზილფიმიანმა.

ზოლფიმიანმა სხდომაზე „ევროპელი სოციალისტების“ განცხადება წაიკითხა და აღნიშნა, რომ ახლა უკრაინა და საქართველო ევროკავშირში სასწრაფო წესით უნდა მიიღონ.