დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, არ შემცირებულა იმ დაწესებულებების რაოდენობა, სადაც კორონავირუსზე ტესტირებაა შესაძლებელი.
როგორც გამყრელიძე განმარტავს, მოქალაქეებს ტესტირებაზე დაბრკოლება არ ექმნებათ და დღიურად საშუალოდ 21 ათასამდე ტესტი ტარდება.
„დღიურად საშუალოდ 20-21 ათასი ტესტი ტარდება. "ომიკრონის" პიკზე გვქონდა დღეები, როდესაც ვატარებდით 60 ათასს და მეტს. იყო პერიოდი, როდესაც დაავადებათა კონტროლის ეროვნულ ცენტრთან უზარმაზარი რიგები იყო, ახლა არ არის. არ მგონია ტესტირებაზე დაბრკოლება იყოს. ძირითადად ვატარებთ სწრაფ ტესტებს ",- აღნიშნავს ამირან გამყრელიძე.