ოკუპირებული ე.წ. სამხრეთ ოსეთის დე ფაქტო უშიშროების კომიტეტი უარყოფს სოციალური ქსელებით გავრცელებულ ინფორმაციას, რომლის მიხედვითაც ოკუპირებულ რეგიონიდან რუსი სამხედროების ოჯახების ევაკუაცია განხორციელდა.
„კომიტეტი პასუხისმგებლობით აცხადებს, რომ რუსეთის სასაზღვრო ძალების თანამშრომელთა ოჯახები რესპუბლიკაში არიან და განაგრძობენ სამსახურს ყოველდღიური მუშაობის რეჟიმში. რესპუბლიკა დატოვა მხოლოდ ზოგიერთი სამხედრო მოსამსახურის ოჯახმა უკრაინაში საომარ ოპერაციაში მონაწილეობის მისაღებად“,- ნათქვამია ცხინვალის დეფაქტო უწყების განცხადებაში.
მათვე მოუწოდეს დე ფაქტო რესპუბლიკის მცხოვრებლებს შეინარჩუნონ სიმშვიდე და „არ წამოეგონ დესტრუქციული ძალების პროვოკაციებს, რომლებსაც გამიზნული აქვთ დე ფაქტო რესპუბლიკაში შიდაპოლიტიკური ვითარების არევა“.