BTU-ში ევროკავშირის მხარდაჭერით კიბერუსაფრთხოების ფორუმი ჩატარდა

ბიზნესისა და ტექნოლოგიების უნივერსიტეტმა ევროკავშირის მიერ დაფინანსებული ჟან მონეს პროექტის ფარგლებში ფართომასშტაბიან კიბერუსაფრთხოების ფორუმს უმასპინძლა. ფორუმი 22-23 მარტს ფიზიკურ ფორმატში რამდენიმე სესიად ჩატარდა.

როგორც ბიზნესისა და ტექნოლოგიების უნივერსიტეტის საერთაშორისო და განვითარების სამსახურების ხელმძღვანელი ანი ჭელიშვილი განმარტავს, ორდღიანი ფორუმი ევროკავშირის მიერ დაფინანსებული ჟან მონეს პროექტის, PEU-C-E-ს, დასკვნითი ღონისძიება გახლდათ.

„ჟან მონეს აღნიშნული პროექტი BTU-ს კოორდინირებით 2020 წლის ოქტომბრიდან ხორციელდება. პროექტის ფარგლებში შევიმუშავეთ 6 სხვადასხვა სამიზნე ჯგუფზე მორგებული 3-ენოვანი საინფორმაციო, ცნობადობის ასამაღლებელი ბროშურები, ჩავატარეთ უსაფრთხო ინტერნეტის საერთაშორისო დღისადმი მიძღვნილი 2 ღონისძიება 2021 და 2022 წლებში და სპეციალური კიბერუსაფრთხოების კამპანიები თბილისში, კახეთსა და ქუთაისში. ასევე ვუმასპინძლეთ კიბერ-ჰაკათონს სკოლის მოსწავლეებისა და სტუდენტებისთვის. ევროკავშირის კიბერუსაფრთხოების სტრატეგიის, უსაფრთხო ინტერნეტის, კიბერჰიგიენის, კიბერეთიკის მიმართულებით, ვორქშოფების და ტრენინგების გზით, ეტაპობრივად დავატრენინგეთ 1300-მდე ბენეფიციარი თბილისსა და საქართველოს სხვადასხვა რეგიონში,” - განმარტავს ანი ჭელიშვილი.

ფორუმის დღის წესრიგი საკმაოდ მრავალფეროვანი და საინტერესო გახლდათ. მომხსენებლები წამყვანი ადგილობრივი და საერთაშორისო კომპანიის წარმომადგენლები იყვნენ:

  • ევროკავშირის კიბერუსაფრთხოების სტრატეგია - მომხსენებელი: ექსპერტი გიორგი იაშვილი, საქართველოს ინფორმაციული უსაფრთხოების ასოციაციის (GISA) აღმასრულებელი დირექტორი;
  • ბავშვებისა და ახალგაზრდების უსაფრთხოება ონლაინ სივრცეში - მომხსენებელი: პროფესორი ანდრო გოცირიძე, კიბერუსაფრთხოების საგანმანათლებლო კვლევითი ცენტრის CYSEC დამფუძნებელი;
  • კიბერ ჰიგიენა და ეთიკური ჰაკერი, მომხსენებლები: პროფესორი მაქსიმ იავიჩი, პროფესორი გიორგი იაშვილი, კავკასიის უნივერსიტეტი;
  • საქართველოს კიბერუსაფრთხოების პერსპექტივები - მომხსენებელი: ლუკა მგელაძე, კიბერუსაფრთხოების ბიუროს დირექტორი, საქართველოს თავდაცვის სამინისტრო;
  • ინოვაციები კიბერუსაფრთხოებაში - მომხსენებელი: მიხეილ ბასილაია, Cyberhouse-ის დამფუძნებელი;
  • დეზინფორმაცია და კიბერუსაფრთხოება - მომხსენებელი: გოგიტა ღვედაშვილი, სტრატეგიული კომუნიკაციების პროგრამების დირექტორი/GCSD დირექტორის მოადგილე, საქართველოს სტრატეგიის და განვითარების ცენტრი

PEU-C-E – „ევროკავშირის კიბერუსაფრთხოების განათლების მხარდაჭერა” ერაზმუს+ ჟან მონეს აქტივობების პროექტია, რომელიც ბიზნესისა და ტექნოლოგიების უნივერსიტეტის და კავკასიის უნივერსიტეტის თანამშრომლობით ხორციელდება. პროექტი ემსახურება ევროკავშირის ღირებულებების დაცვას და მისი მიზანია ევროპული საუკეთესო პრაქტიკისა და გამოცდილების გაზიარება მოსწავლეებში, სტუდენტებში, მასწავლებლებში, მშობლებში, პროფესორებსა და გადაწყვეტილების მიმღებ პირებში მოწყვლად ახალგაზრდა ჯგუფებში უსაფრთხო ინტერნეტის, კიბერჰიგიენისა და კიბერეთიკის შესახებ ცნობადობის ამაღლების კუთხით.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი