2 აპრილის არჩევნებზე ამომრჩევლის მიერ მიღებული გადაწყვეტილება პასუხია “ნაციონალური მოძრაობისა“ და სხვა პარტიებისთვის, ქართველი ხალხი რომელი პოლიტიკური ძალის პოლიტიკას უჭერს მხარს - ჩვენ ვნახეთ, რამდენად დიდია ეს მხარდაჭერა! - აღნიშნული განცხადება ჟურნალისტებთან პარლამენტის თავმჯდომარემ შალვა პაპუაშვილმა გააკეთა.
როგორც პაპუაშვილმა აღნიშნა, იმის მიუხედავად, რომ 2 აპრილს ბათუმსა და რუსთავში შუალედური არჩევნები ჩატარდა, ქართველი ხალხისთვის ეს იყო შესაძლებლობა იმისა გამოეთქვათ საკუთარი მოსაზრება, უკრაინასთან და სხვა საკითხებთან დაკავშირებით რომელი პარტიის პოლიტიკას ემხრობიან და უჭერენ მხარს.
“ჩვენ ჩვენი მოსახლეობისგან აბსოლუტურად მკაფიო პასუხი მივიღეთ, რომ აბსოლუტურად უჭერს მხარს ხელისუფლების პოლიტიკას“, - დასძინა შალვა პაპუაშვილმა.