ვფიქრობთ, რომ საქართველო ძალიან სწრაფად, ეფექტურად მართავს ჩვენს ქვეყანაში გასატარებელ რეფორმებს, - ასე უპასუხა საქართველოს საგარეო საქმეთა მინისტრმა ილია დარჩიაშვილმა კითხვას, სჭირდება თუ არა საქართველოს ევროკავშირში გასაწევრიანებლად რეფორმები და რა მიმართულებით.

როგორც მან საქართველოს ევროკავშირში ინტეგრაციის სამთავრობო კომისიის 62-ე სხდომაზე განაცხადა, რეფორმების გატარება ხელისუფლების ერთ-ერთი მთავარი პრიორიტეტია.

„რაც შეეხება რეფორმებს, რეფორმების გატარება ჩვენი ხელისუფლების ერთ-ერთი მთავარი პრიორიტეტია. საქართველოს მთავრობა რეფორმების გატარების პროცესში შესაბამისი აქტიურობით, გაწეული ძალისხმევით გამოირჩევა და ჩვენ ვფიქრობთ, რომ საქართველო ძალიან სწრაფად, ეფექტურად მართავს ჩვენს ქვეყანაში გასატარებელ რეფორმებს. შესაბამისად, ჩვენ აღნიშნული რეფორმების გეგმა გვაძლევს იმის საფუძველს და საშუალებას, რომ აღნიშნული კითხვარი მოვამზადოთ და ჩვენს ევროპელ პარტნიორებთან გადავაგზავნოთ“, - განაცხადა დარჩიაშვილმა.