გიგა ბოკერია - რუსეთის ხელახალი სისასტიკისა და უკრაინელი ხალხის ამ გმირული ბრძოლის ფონზე, გვაქვს შანსი, საერთაშორისო თანამეგობრობის ყურადღება მივიქციოთ, თუმცა ამას სჭირდება მთავრობა, რომელსაც ეროვნული ინტერესი გააჩნია

რუსეთის ხელახალი სისასტიკისა და უკრაინელი ხალხის ამ გმირული ბრძოლის ფონზე, ჩვენ გვაქვს შანსი რომ საერთაშორისო თანამეგობრობის ყურადღება მივიქციოთ, თუმცა ამას სჭირდება მთავრობა, რომელსაც ეს ეროვნული ინტერესი გააჩნია, ჩვენ კი ასეთი არ გვყავს, - ამის შესახებ „ევროპული საქართველოს“ თავმჯდომარემ გიგა ბოკერიამ განაცხადა.

მისივე თქმით, „ევროპული საქართველო“ ამ საკითხების ირგვლივ აფხაზთა კრებასთან თანამშრომლობას გეგმავს.

„ჩვენს გუნდს, „ევროპულ საქართველოს“ დიდი ხანია აქვს თანამშრომლობა აფხაზთა კრებასთან, რომელიც არის მაგალითი როგორი უნდა იყოს ინტერესთა ჯგუფი ქვეყანაში და ისინი ხშირად აკეთებდნენ იმ საქმეს, რასაც წესით უნდა აკეთებდეს ე.წ. დღევანდელი სტრუქტურა, ლეგიტიმური ხელისუფლება დევნილობაში მყოფი აფხაზეთის ავტონომიური რესპუბლიკისა საქართველოს შემადგენლობაში.

ახლა, უკრაინაში რუსეთის მიმდინარე აგრესიისას, ტრაგიკული მოვლენების დროს, უკრაინელი ხალხის გმირული ბრძოლისას, ჩვენ გვაქვს კიდევ ერთხელ შესაძლებლობა და მე ვიტყოდი ვალდებულება, რომ მთელს თავისუფალ სამყაროს დავანახოთ ხელახლა, მკაფიოდ და უკეთესად ყველა ის მაგალითი ბოროტების იმპერიის, რუსეთის სისასტიკის, რომელიც საქართველომ გადაიტანა 90-იანი წლებიდან მოყოლებული 2008 წლის და შემდგომი წლების განმავლობაში. ის, რაც აქამდე საერთაშორისო თვალსაზრისით უფრო რთული იყო წინ წამოსაწევად, უკრაინელი ხალხის ამ გმირული ბრძოლის ფონზე, ამ ხელახალი სისასტიკის ფონზე პუტინის ბოროტების იმპერიის მხრიდან, არის შესაძლებელი, რომ იქნას ყურადღების ცენტრში მოქცეული საერთაშორისო თანამეგობრობისა და კონკრეტულად საერთაშორისო ტრიბუნალების. ოღონდ ამისთვის მუშაობას, რა თქმა უნდა, სჭირდება მთავრობა, რომელსაც ეს ეროვნული ამოცანა გააჩნია. ჩვენდა სამწუხაროდ ჩვენ არ გვყავს ლეგიტიმური მთავრობა, რომელსაც ეს ეროვნული ამოცანა გააჩნია. მიუხედავად ამისა და მანამ, ვიდრე ჩვენ ამ მთავრობის შეცვლას მოვახერხებთ, მნიშვნელოვანია, რომ გარკვეული ნაბიჯები ახლაც გადავდგათ, როგორც ქვეყნის შიგნით, ისე, განსაკუთრებით, ქვეყნის გარეთ ყურადღების ფოკუსირებისთვის იმ დანაშაულებზე, რაც ჩადენილი აქვს რუსეთის იმპერიას საქართველოს ტერიტორიაზე მთელი ამ წლების განმავლობაში და რა ნაბიჯებსაც დღეს უნდა ვითხოვდეთ საერთაშორისო თანამეგობრობისგან, როცა ხელისუფლება შეიცვლება რა ნაბიჯებს უნდა მივაღწიოთ იმისთვის, რომ დამნაშავეები იქნან დასჯილნი. ამ მთელ წყებაზე საკითხებისა გვქონდა დღეს პირველი შეხვედრა ამ კუთხით აფხაზთა კრებასთან და ჩამოვწერეთ მიმართულებები, რა მიმართულებითაც უახლოეს პერიოდში ჩვენ გვექნება საჯარო ღონისძიებები და საერთაშორისო ასპარეზზე აქტივობა, რის შესახებაც საზოგადოებას აუცილებლად ვაცნობებთ. ჩვენ ვაპირებთ, რომ იმავე მიმართულებით რა ფორმითაც ჩატარდა „ევროპული საქართველოს“ აქცია რუსთაველზე, რითაც ჩვენ ვცდილობთ, რომ აქამდე არასტანდარტული ფორმით მივიპყროთ როგორც ქვეყნის შიგნით მოქალაქეების ყურადღება, ისე საერთაშორისო ასპარეზზე საქართველოს ფოკუსის დაბრუნებაზე. ასეთი ფორმით ვაპირებთ, რომ გავაგრძელოთ მუშაობა აფხაზთა კრებასთან, ყველა ამ პრობლემაზე, რომელიც სამწუხაროდ დღევანდელ ხელისუფლებას არ აღელვებს და პირიქით მიჩქმალვითაა დაკავებული,“ - განაცხადა ბოკერიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი