არჩილ თალაკვაძე აზერბაიჯანი-საქართველოს მეგობრობის ჯგუფის ხელმძღვანელს, არზუ ნაღიევს შეხვდა

საქართველოს პარლამენტის თავმჯდომარის მოადგილე და აზერბაიჯანის რესპუბლიკის პარლამენტთან მეგობრობის ჯგუფის ხელმძღვანელი არჩილ თალაკვაძე აზერბაიჯანი-საქართველოს მეგობრობის ჯგუფის ხელმძღვანელს, არზუ ნაღიევს შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათი ცნობით, შეხვედრაზე აზერბაიჯანის დელეგაციამ, საკუთარი ქვეყნის სახელით, საქართველოს მიმართ მხარდაჭერა კიდევ ერთხელ დაადასტურა.

არჩილ თალაკვაძის განცხადებით, ქართული მხარე ამ ურთიერთობებს ძალიან აფასებს.

„ვისაუბრეთ დღის წესრიგის მთავარ საკითხებზე, რაც ორ ქვეყანას შორის ურთიერთობებში წლების და ათწლეულების განმავლობაში არსებობს. ეს, პირველ რიგში, არის რეგიონში უსაფრთხოების და მშვიდობის უზრუნველყოფა. საქართველომ თავისი მოკრძალებული წვლილი შეიტანა და მომავალშიც შეიტანს რეგიონის უსაფრთხოებისა და მშვიდობის განმტკიცებაში. ჩვენ ვისაუბრეთ, ასევე, პოლიტიკურ ურთიერთობებზე პარლამენტებს შორის, ეკონომიკურ ურთიერთობებზე და ძალიან მნიშვნელოვანია, რომ აზერბაიჯანი რეგიონში საქართველოსთვის ერთ-ერთ ძლიერ მოკავშირედ რჩება", - აღნიშნა არჩილ თალაკვაძემ.

შეხვედრას, ასევე, ესწრებოდნენ აზერბაიჯანის რესპუბლიკის პარლამენტთან მეგობრობის ჯგუფის წევრები: ლევან იოსელიანი, ირაკლი კოვზანაძე, სავალან მირზოევი, ელისო ბოლქვაძე, ქეთევან დუმბაძე და რამაზ ნიკოლაიშვილი.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია