ანა ნაცვლიშვილი - იმდენად დიდი და საშიში ნაბიჯები გადაიდგა უკან დემოკრატიის და ადამიანის უფლებების გზაზე, რომ ამას მოჰყვა ძალიან მძიმე შეფასებები freedom house-ის ანგარიშში

იმდენად დიდი და საშიში ნაბიჯები გადაიდგა უკან დემოკრატიის და ადამიანის უფლებების გზაზე, რომ ამას მოჰყვა ძალიან მძიმე შეფასებები freedom hause - ის ანგარიშში, - ამის შესახებ ჟურნალისტებთან "ლელოს" დეპუტატმა ანა ნაცვლიშვილმა freedom house- ის ანგარიშის კომენტირებისას განაცხადა.

მისი თქმით, მაშინ, როცა ამ ანგარიშს წინ უძღოდა ასეთივე მძიმე შეფასებები აშშ- ის სახელმწიფო დეპარტამენტიდან და კრიტიკული იყო ასევე, ევროპარლამენტის დაკვეთით მომზადებული კვლევა, მნიშვნელოვანია, ამ ფონზე როგორ ემზადება ხელისუფლება ევროკავშირის კითხვარის შესავსებად.

„ამ წლების განმავლობაში freedom house -ის ანგარიშებში მუდმივად ფიქსირდებოდა უარყოფითი დინამიკა, მაგრამ ის რაც წლევანდელ ანგარიშშია მოცემული, მე ამას დავარქმევდი დიდ უკუსვლას. იმდენად დიდი და საშიში ნაბიჯები გადაიდგა უკან დემოკრატიის და ადამიანის უფლებების გზაზე, რომ ამას მოჰყვა ძალიან მძიმე შეფასებები freedom house- ის ანგარიშში, ასეთივე მძიმე შეფასებები ჩვენ უკვე ვნახეთ ევროპარლამენტის დაკვეთით მომზადებულ კვლევაში, სახელმწიფო დეპარტამენტის ანგარიშში. ძალიან მძიმე ტერმინებით ხდება იმ ვითარების შეფასება, რაც ქვეყანაშია. ჩვენი მეგობრები და პარტნიორები, რომლებსაც დიდი ინვესტიცია აქვთ ჩადებული იმაში, რომ საქართველო შედგეს, როგორც დამოუკიდებელი, დემოკრატიული სახელმწიფო, ღიად გვესაუბრებიან, როგორც ქართული სიბრძნე ამბობს, რომ მოყვარეს პირში უნდა უთხრა სათქმელი, ისინი ამ სათქმელს გვეუბნებიან. ხელისუფლებამ უნდა გასცეს პასუხი, რას ფიქრობს, როცა ორი კვირის შუალედში ჩამოვიდა 2 ძალიან მძიმე ანგარიში აშშ- დან და ევროკავშირის კვლევითი ცენტრიდან, ამ ფონზე, როგორ ემზადება ხელისუფლება კითხვარის შესავსებად?"- განაცხადა ნაცვლიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024