სენატორი კრის კუნსი - ქართველებმა იციან, რას ნიშნავს აგრესია, ოკუპაცია და შეჭრა -  ახლა დროა, ერთად დავდგეთ და გავაძლიეროთ ღირებულებები, რაც ჩვენი ხანგრძლივი პარტნიორობის ბირთვს წარმოადგენს

ქართველებმა იციან, რას ნიშნავს აგრესია, ოკუპაცია და შეჭრა. ახლა დროა, ერთად დავდგეთ და გავაძლიეროთ ის ღირებულებები, რაც ჩვენი ხანგრძლივი პარტნიორობის ბირთვს წარმოადგენს, - ამის შესახებ სენატორმა კრის კუნსმა თბილისში გამართულ პრესკონფერენციაზე განაცხადა.

„ამერიკის შეერთებულმა შტატებმა დაახლოებით 6 მილიარდი აშშ დოლარის ოდენობის დახმარება გაუწია საქართველოს ბოლო 30 წლის განმავლობაში, ჩვენ კიდევ სხვადასხვაგვარად ვუწევდით მხარდაჭერას: ეკონომიკური განვითარება, უსაფრთხოება, კანონის უზენაესობა. ასევე, ჩვენ ხელს ვუწყობდით ჩვენს ხალხებს შორის კავშირების გაძლიერებას. როგორც ჩემმა კოლეგებმა აღნიშნეს, უკვე 56 დღეა, რაც პუტინისა და რუსეთის სასტიკი აგრესია მიმდინარეობს უკრაინის წინააღმდეგ. ჩვენ ყველას გვამხნევებს უკრაინელების სიმამაცე და ძალა. ჩვენმა ქვეყნებმა ერთობლივად, ერთნაირად მისცეს ხმა გაერო-ში. ქართველებმა იციან, რას ნიშნავს აგრესია, ოკუპაცია და შეჭრა. ახლა დროა, ერთად დავდგეთ და გავაძლიეროთ ის ღირებულებები, რაც ჩვენი ხანგრძლივი პარტნიორობის ბირთვს წარმოადგენს“, – განაცხადა სენატორმა კუნსმა.

მან ქართველი ხალხის მიმართ მადლიერება გამოხატა იმ მხარდაჭერისთვის, რაც ავღანეთში კონფლიქტის დროს გამოხატეს.

„მსურს, მადლობა გადავუხადო ქართველ ხალხს 20 წლის განმავლობაში ავღანეთში კონფლიქტის დროს ჩვენს გვერდით დგომისთვის. და იმ მსხვერპლისთვის, რაც საქართველოს შეიარაღებულმა ძალებმა გაიღო. ჩვენ მოუთმენლად ველით პარტნიორობის გაგრძელებას წვრთნების, აღჭურვილობის თვალსაზრისით.

ჩვენ მხარს ვუჭერთ საქართველოს ერთად წინსვლის გაგრძელების გზით, უკრაინის წინააღდეგ რუსეთის აგრესიის დაგმობით, და ჩვენი საერთო ღირებულებებისა და უსაფრთხოების მხარდაჭერით“,- აღნიშნა სენატორმა.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი