კანონპროექტი, რომლის საფუძველზეც სპეციალური საგამოძიებო სამსახურის საგამოძიებო ქვემდებარეობა ფართოვდება, პარლამენტმა პირველი მოსმენით მიიღო

კანონპროექტი, რომლის საფუძველზეც სპეციალური საგამოძიებო სამსახურის საგამოძიებო ქვემდებარეობა ფართოვდება, პარლამენტმა პირველი მოსმენით - 78 ხმით, (1 - წინააღმდეგი) მიიღო.

ამასთან, “სპეციალური საგამოძიებო სამსახურის შესახებ“ კანონში დაგეგმილი ცვლილებები სპეციალური საგამოძიებო სამსახურის შესაბამისი თანამშრომლისთვის პენიტენციურ დაწესებულებაში სპეციალური ნებართვის გარეშე შესვლის უფლების მინიჭებას ითვალისწინებს.

კანონის პროექტით, სპეციალური საგამოძიებო სამსახურის უფროსის მოადგილეს ენიჭება უფლება პროცესის მონაწილის მიმართ დაცვის სპეციალური ღონისძიების მიზანშეწონილობის შესახებ დასაბუთებული წინადადებით ზედამხედველ პროკურორს მიმართოს.

კანონის პროექტის თანახმად, სპეციალური საგამოძიებო სამსახური იმ დანაშაულის ჩადენის შემთხვევებსაც გამოიძიებს, რომლის ჩადენასთან დაკავშირებით ადამიანის უფლებათა ევროპული სასამართლო კონვენციის მე-18 მუხლის (უფლებების შეზღუდვათა გამოყენების ფარგლები) დარღვევას დაადგენს.

სპეციალური საგამოძიებო სამსახური მის ქვემდებარე სისხლის სამართლის საქმის გამოძიების მიზნით უფლებამოსილი იქნება, საჭიროების შემთხვევაში გამოიყენოს ტექნიკური აღჭურვილობა/საშუალებები ან/და სატრანსპორტო საშუალებები, რომლებიც სხვა სახელმწიფო ორგანოს ეკუთვნის, გარდა იმ უწყებისა, რომლის თანამშრომლის მიერ ჩადენილი დანაშაულის ფაქტზეც გამოძიებას აწარმოებს. ამავე დროს, ამ უწყების ტექნიკურ აღჭურვილობას/საშუალებებს ან/და სატრანსპორტო საშუალებებს სპეციალური საგამოძიებო სამსახური იყენებს მხოლოდ გადაუდებელი აუცილებლობისას, ამ უწყებასთან შეთანხმების საფუძველზე.

კანონპროექტის თანახმად, სათანადო სოციალური გარანტიებით თანაბრად ისარგებლებენ, როგორც სამსახურის საგამოძიებო დანაყოფის თანამშრომლები, ასევე ის თანამშრომლები, რომლებიც საგამოძიებო ფუნქციებით არ არიან აღჭურვილნი.

კანონპროექტი სპეციალური საგამოძიებო სამსახურის საკანონმდებლო წინადადების საფუძველზე მომზადდა. პროექტის ინიციატორები არიან პარლამენტის წევრები: - ანრი ოხანაშვილი, ალუდა ღუდუშაური, დავით მათიკაშვილი, გურამ მაჭარაშვილი, რატი იონათამიშვილი, ალექსანდრე ტაბატაძე და მიხეილ სარჯველაძე.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა