ამირან გამყრელიძე - 5-დან 11 წლამდე ბავშვებისთვის ვაქცინა შეკვეთილი გვაქვს, როდესაც შემოვა, რისკ ჯგუფები განისაზღვრება, რომლებიც პირველები აიცრებიან

ყველამ ერთად ვიმუშაოთ მოსახლეობის 70% აცრაზე ივნისში თუ არა წლის ბოლომდე. ეს მნიშვნელოვანია, რომ ქვეყანა და მოსახლეობა დაცული იყოს ახალი ტალღებისგან, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან საუბრისას განაცხადა.

როგორც გამყრელიძე განმარტავს, იმუნიზაციის კვირეული ვაქცინაციის პროცესის გააქტიურებს ისახავს მიზნად.

"იმუნიზაციის კვირეული იმიტომ არის, რომ ყველამ ერთად ვიმუშაოთ მოსახლეობის 70 %-ის აცრაზე ივნისში თუ არა წლის ბოლომდე, ეს მნიშვნელოვანია, რომ ქვეყანა და მოსახლეობა დაცული იყოს ახალი ტალღებისგან",- აღნიშნავს გამყრელიძე.

მან ბავშვების ვაქცინაციაზეც ისაუბრა და აღნიშნა, რომ 11 წლამდე ბავშვებისთვის განკუთვნილი ვაქცინა, რომელიც მიმდინარე წელს შემოვა რისკ ჯგუფებისთვის იქნება განკუთვნილი.

"5- დან 11 წლამდე ბავშვებისთვის ვაქცინა შეკვეთილი გვაქვს. როდესაც შემოვა განისაზღვრება რისკ ჯგუფები, რომლებიც პირველები აიცრებიან",- აღნიშნავს გამყრელიძე.

თენგიზ ცერცვაძე - როცა გადადგომაზე განცხადება დავწერე, არ მჯეროდა, მეგონა სიზმარში ვიყავი, რომ მილიარდის გაფლანგვას და ადამიანების ჩახოცვას გვაბრალებდნენ
ქართული პრესის მიმოხილვა 12.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
ლიზინგი, როგორც ფინანსური ბაზრის შემადგენელი ნაწილი და მისი განვითარების პერსპექტივები საქართველოში
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო