ილია დარჩიაშვილი აზერბაიჯანის რესპუბლიკის მილი მეჯლისის თავმჯდომარეს შეხვდა

საქართველოს საგარეო საქმეთა მინისტრი, ილია დარჩიაშვილი აზერბაიჯანში ვიზიტის ფარგლებში, აზერბაიჯანის რესპუბლიკის მილი მეჯლისის თავმჯდომარეს, საჰიბა გაფაროვას შეხვდა. ინფორმაციას ამის შესახებ საგარეო საქმეთა სამინისტრო ავრცელებს.მათივე ცნობით, მხარეებმა შეხვედრაზე ორი ქვეყნის მჭიდრო პარტნიორობა კმაყოფილებით აღნიშნეს და ორმხრივი ურთიერთობების შემდგომ განმტკიცებაში საპარლამენტო განზომილების დიდ როლს ხაზი გაუსვეს.

„ამ მხრივ აზერბაიჯანის მილი მეჯლისის თავმჯდომარის საქართველოში განხორციელებული ვიზიტი დადებითად შეფასდა და იმედი გამოთქვა, რომ თბილისში გამართული შეხვედრები ორი ქვეყნის კავშირებს, მათ შორის საპარლამენტო განზომილებას, უფრო განამტკიცებს.

საუბარი შეეხო საქართველო-აზერბაიჯანის წარმატებულ თანამშრომლობას ორი ქვეყნის პარლამენტების საკომიტეტო მიმართულებით.

შეხვედრაზე ასევე, რეგიონული უსაფრთხოების საკითხები განიხილეს. მხარეებმა ტერიტორიული მთლიანობის ურთიერთ მხარდაჭერა კიდევ ერთხელ დაადასტურეს.

შეხვედრაზე მხარეებმა მზაობა დაადასტურეს, რომ ორი ქვეყნის პარლამენტმა საკუთარი მნიშვნელოვანი წვლილი შეიტანოს სხვადასხვა სფეროში ქვეყნებს შორის კავშირების გაღრმავებაში,“ - აღნიშნულია ინფორმაციაში.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო