ამირან გამყრელიძე - მივდივართ თუ არა პანდემიის დასრულებისკენ?  ჩემი პასუხია ერთმნიშვნელოვნად „არა“ - არც დასრულებულა და ჯერჯერობით არ ჩანს, როდის დასრულდება

ჯერჯერობით არ ჩანს, როდის დასრულდება პანდემია ,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ „პალიტრანიუსის“ გადაცემა „თავისუფალ სტუდიაში“ განაცხადა.

ამირან გამყრელიძემ გადაცემაში ვაქცინაციის მნიშვნელობაზე ისაუბრა და განაცხადა, რომ კორონავირუსის გადატანა ან აცრა ორგანიზმში იმუნიტეტს მხოლოდ 6-8 თვის განმავლობაში ტოვებს და აუცილებელია „ბუსტერ“ დოზის მიღება.

„კორონავირუსის ინფექციასთან დაკავშირებით, ეპიდსიტუაცია დასტაბილურებულია ქვეყანაში. ყველა მაჩვენებელი, რაც ეპიდსიტუაციას ახასიათებს, შემცირებულია. მივდივართ თუ არა პანდემიის დასრულებისკენ, ჩემი პასუხია ერთმნიშვნელოვნად „არა“, არც დასრულებულა და ჯერჯერობით არ ჩანს თუ როდის დასრულდება. უნდა გავითავისოთ, რომ პანდემიის დასასრულის გზა იმუნიზაციაზე გადის. თუ აცრილი იქნება მოსახლეობის 70%, მხედველობაში მაქვს მთელი მსოფლიოს მოსახლეობა, მაშინ ამ ვირუსს ე.წ. მოდების წერტილი აღარ ექნება და პანდემია გადავა ენდემურ რეჟიმში. ამიტომ, ძალიან გვინდა და მოვუწოდებთ მოსახლეობას, რომ წლის ბოლომდე, ცივი პერიოდი სანამ დადგება, აიცრან. აცრაც და ვირუსის გადატანაც მუდმივ იმუნიტეტს არ ტოვებს, ეს გრძელდება 6-8 თვე, ამიტომ საჭიროა გაძლიერება, რასაც „ბუსტერს“ ვეძახით. მსოფლიო მეცნიერება მსჯელობს იმაზე, რომ დიდი ალბათობით, ჯანმრთელობის მსოფლიო ორგანიზაციამ წელს პანდემია დასრულებულად უნდა გამოაცხადოს, შეიძლება რესპირაციულ და გრიპოზულ ინფექციად გადაიქცეს, მაგრამ ამისთვის საჭიროა, რომ მოსახლეობის დიდ ნაწილს ინფექცია გადატანილი ჰქონდეს, ან იყოს აცრილი“, - განაცხადა ამირან გამყრელიძემ.

ამასთან, ვაქცინაციის მნიშვნელობაზე საუბრისას გამყრელიძემ აღნიშნა ისიც, რომ საქართველოში, სავარაუდოდ, 50 წლის ზემოთ მოსახლეობაში ე.წ. მეორე ბუსტერის გაკეთება დაიწყება.

„იმუნიზაციის სამეცნიერო საბჭომ განიხილება და როგორც მრავალ ქვეყანაში, ჩვენს ქვეყანაშიც დიდი ალბათობით, დაიწყება მესამე აცრის შემდეგ, 50 წლის ზემოთ მოსახლეობაში ე.წ. მეორე ბუსტერის გაკეთება", - აღნიშნა გამყრელიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს