პაატა მანჯგალაძე - “ქართული ოცნების“ ლიდერებს უნდა ესმოდეთ, ზუსტად ისეთივე თარგით მოექცევიან მათ, როგორც მიხეილ სააკაშვილს ექცევიან

“ქართული ოცნების“ ლიდერებს უნდა ესმოდეთ, ზუსტად ისეთივე თარგით მოექცევიან მათ, როგორც მიხეილ სააკაშვილს ექცევიან, - აღნიშნული განცხადება ჟურნალისტებთან “სტრატეგია აღმაშენებლის“ დეპუტატმა პაატა მანჯგალაძემ გააკეთა.

მისივე შეფასებით, “ქართული ოცნების“ დეგრადაციის უმდაბლესს ხარისხზე მეტყველებს მიხეილ სააკაშვილის მიმართ დამოკიდებულება და ქილიკი, თითქოს ის მძიმედ არ არის და თუ კვერცხსა და ხაჭოს მიიღებს, ყველაფერი კარგად იქნება“. მანჯგალაძის განცხადებით, მესამე პრეზიდენტის სიცოცხლის რისკიდან გამომდინარე, აუცილებელია მისთვის საჭირო დახმარების აღმოჩენა.

“ეს პოლიტიკური საკითხი არ არის. როცა ხელისუფლება შეიცვლება, სამართლიანი სასამართლოს პირობებში თუ “ქართული ოცნების“ რომელიმე ლიდერს ციხეში მსგავსი სერვისით მომსახურება დასჭირდება, ყველაფერს გავაკეთებ, რომ მათ შესაბამისი სერვისი გაუწიონ. აქ პოლიტიკური კუთვნილება, პოლიტიკური სიმპათია და ანტიპათია არაფერ შუაშია. სახელმწიფო შექმნილია იმისთვის, რომ ადამიანის სოცოცხლე და ჯანმრთელობა დაიცვას“, - განაცხადა პაატა მანჯგალაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს