ხატია დეკანოიძე - სად არის ექიმთა კონსილიუმი, რომელიც ჯანდაცვის სამინისტრომ შექმნა და მონიტორინგს უწევდა სააკაშვილის ჯანმრთელობას?! ასეთი კონსილიუმის არსებობა აუცილებელია

სად არის ექიმთა კონსილიუმი, რომელიც ჯანდაცვის სამინისტრომ შექმნა და მონიტორინგს უწევდა მიხეილ სააკაშვილის ჯანმრთელობას?! ასეთი კონსილიუმის არსებობა არის აუცილებელი, - ამის შესახებ ფრაქცია "ნაციონალური მოძრაობის" თავმჯდომარე ხატია დეკანოიძემ განაცხადა.

მისი თქმით, გარდა იმისა, რომ მათ მოითხოვეს ჯანდაცვის კომიტეტის სხდომაზე სახალხო დამცველის კონსილიუმის ექიმების და სასჯელაღსრულების დაწესებულების სამედიცინო სექტორის წარმომადგენლების მოსმენა, მნიშვნელოვანია ეს თემაც გააქტიურდეს. მისივე თქმით, მათი მოწოდება კვლავ არის ასევე ჯანდაცვის კომიტეტის თავმჯდომარემ, ვიცე-სპიკერმა დავით სერგეენკომ და ადამიანის უფლებათა კომიტეტის თავმჯდომარემ მოინახულონ მიხეილ სააკაშვილი.

დეკანოიძის შეფასებით, "ის დამოკიდებულება, რომელიც აქვს "ქართულ ოცნებას" საქართველოს მესამე პრეზიდენტის მიმართ, ასახავს იმ პოლიტიკური განვითარების ხარისხს, რომელზეც იმყოფება ეს პარტია".

"თქვენ იცით, ჯანდაცვის სამინისტრომ რამდენიმე თვის წინ შექმნა ექიმთა კონსილიუმი მაშინ, როცა ტიკარაძე გახლდათ ჯანდაცვის მინისტრი, რომელიც ასევე მონიტორინგს უწევდა მიხეილ სააკაშვილის ჯანმრთელობას და რომელიც არ იყო შორს არავითარ შემთხვევაში სახალხო დამცველის კონსილიუმის დასკვნასთან. მე მინდა მოვუწოდო მათ და მოვითხოვო, სად არის ეს კონსილიუმი, ასეთი კონსილიუმის არსებობა არის აუცილებელი, ამ კონსილიუმის შექმნა ევალება ჯანდაცვის სამინისტროს, ამიტომ მნიშვნელოვანია ეს თემა გააქტიურდეს. თქვენ იცით, რომ იმ სასესიო კვირაში პარლამენტში იქნება ჯანდაცვის მინისტრი და რაც იქნება ერთ-ერთი მნიშვნელოვანი თემა", - განაცხადა დეკანოიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი