საპატრულო პოლიციის დეპარტამენტის ბოლო წლების საქმიანობის ანგარიშის პრეზენტაცია გაიმართა

შინაგან საქმეთა სამინისტროში საპატრულო პოლიციის დეპარტამენტის ბოლო წლების საქმიანობის ანგარიშის პრეზენტაცია გაიმართა. ღონისძიება საპატრულო პოლიციის დეპარტამენტის დირექტორის, ვაჟა სირაძის მისასალმებელი სიტყვით გაიხსნა.

შინაგან საქმეთა სამინისტროს ინფორმაციით, ანგარიშის პრეზენტაციას დაესწრნენ შინაგან საქმეთა მინისტრის მოადგილეები - ალექსანდრე დარახველიძე და გიორგი ბუთხუზი, ასევე, საქართველოში აკრედიტებული დიპლომატიური კორპუსის და დონორი ორგანიზაციების წარმომადგენლები.

„ღონისძიებაზე ვაჟა სირაძემ საპატრულო პოლიციის დეპარტამენტში განხორციელებულ ღონისძიებებზე, მნიშვნელოვან პროექტებსა და სამომავლო გეგმებზე ისაუბრა.

როგორც საპატრულო პოლიციის დეპარტამენტის დირექტორმა აღნიშნა, საპატრულო პოლიციის ფუნქციონალური გაუმჯობესების მიზნით, უკვე განხორციელდა სხვადასხვა სახის ტექნიკური პროექტი, აგრეთვე, მოხდა პატრულ-ინსპექტორების გადაიარაღება და მათი ახალი სამხრე ვიდეოკამერებით აღჭურვა, გაფართოვდა საპატრულო პოლიციის სამოქმედო არეალი, შესაბამისად გაიზარდა საპატრულო ეკიპაჟების რაოდენობაც. საპოლიციო სერვისებზე ხელმისაწვდომობის გაზრდის მიზნით, უახლოეს პერიოდში ფუნქციონირებას დაიწყებს ერთიანი მომსახურების ცენტრი შიდა ქართლის რეგიონში. ერთიანი მომსახურების ცენტრების მოწყობა იგეგმება ასევე ბათუმში, ქუთაისსა და თელავში.

სიტყვით გამოსვლისას საპატრულო პოლიციის დეპარტამენტის დირექტორმა - ვაჟა სირაძემ საერთაშორისო ორგანიზაციებისა და დიპლომატიური კორპუსის ჩართულობით განხორციელებულ და დაგეგმილ პროექტებზე გაამახვილა ყურადღება და მათ მხარდაჭერისთვის, ეფექტიანი თანამშრომლობისთვის მადლობა გადაუხადა“, - ნათქვამია გავრცელებულ ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი