ევროპული კომისიის პრეზიდენტი, ურსულა ფონ დერ ლაიენი დარწმუნებულია, რომ ბლოკი რუსეთის წინააღმდეგ სანქციების ახალ პაკეტს დაამტკიცებს.
„დარწმუნებული ვარ, რომ ჩვენ მივიღებთ ამ პაკეტს - თუ ამას ერთი დღით მეტი დასჭირდება, დასჭირდეს, მაგრამ ჩვენ სწორი მიმართულებით მივდივართ,“ - აღნიშნა ევროკომისიის პრეზიდენტმა.
შეგახსენებთ, უნგრეთის პრემიერ-მინისტრმა, ვიქტორ ორბანმა განაცხადა, რომ უნგრეთი ევროკავშირის ახალ სანქციებს, რომელიც მოიცავს ემბარგოს ნავთობის იმპორტზე, არსებული ფორმით მხარს ვერ დაუჭერს. მისი თქმით, ევროკომისიის ამჟამინდელი წინადადება რუსული ნავთობის იმპორტის აკრძალვის შესახებ უნგრეთის ეკონომიკაზე ჩამოგდებული „ატომური ბომბის“ ტოლფასი იქნება.