„დიდი შვიდეულის“ ლიდერები კვირას, 8 მაისს უკრაინის პრეზიდენტთან, ვოლოდიმირ ზელენსკისთან ერთად ვიდეოკონფერენციაში მიიღებენ მონაწილეობას, - ამის შესახებ გერმანიის მთავრობის პრესსპიკერმა განაცხადა.

მისი თქმით, მოლაპარაკებები შეეხება აქტუალურ საკითხებს, განსაკუთრებით უკრაინაში არსებულ ვითარებას.

„უკრაინის პრეზიდენტი, ზელენსკი მის ქვეყანაში არსებულ ვითარებაზე ისაუბრებს“, - განაცხადა პრესსპიკერმა.

მისი თქმით, ისტორიული თარიღი, 8 მაისი აღნიშნავს „მეორე მსოფლიო ომის“ დასრულებას, რომელმაც ევროპაში ტერორი, ნგრევა და სიკვდილი გამოიწვია.