ჯენ ფსაკის თეთრი სახლის ოფიციალური წარმომადგენლის თანამდებობაზე კარინ ჟან-პიერი ჩაანაცვლებს, - CNN-ის ინფორმაციით, ამის შესახებ აშშ-ის პრეზიდენტმა, ჯო ბაიდენმა განაცხადა.
ტელეკომპანიის ცნობით, კარინ ჟან-პიერი, რომელსაც ამჟამად თეთრი სახლის პრესსპიკერის მთავარი მოადგილის თანამდებობა უკავია, პრესსპიკერის მოვალეობის შესრულებას ოფიციალურად 13 მაისს შეუდგება.
CNN-ი იუწყება, რომ კარინ ჟან-პიერი გახდება პირველი ფერადკანიანი და ღიად ლგბტქ პირი, რომელიც აღნიშნულ თანამდებობას დაიკავებს.