უკრაინის თავდაცვის მინისტრი რუს სამხედროებზე - მათ ცოტა ჭკუა აქვთ, მაგრამ რაოდენობრივად ბევრნი არიან,მათ გამოაქვთ ყველაფერი საწყობებიდან და მოაქვთ და მოაქვთ

საფრთხის დონის სათანადოდ შეუფასებლობა დაუშვებელია. ისინი ძალიან ბევრნი არიან. როგორც ფილმებში, რომლებიც ორკებზეა გადაღებული: ისინი მოდიან და მოდიან, მათ წვავენ და წვავენ,- ამის შესახებ უკრაინის თავდაცვის მინისტრმა ალექსეი რეზნიკოვმა კითხვის საპასუხოდ განაცხადა იქნება თუ არა ფრონტის ხაზზე უკრაინის თავდაჯერებულობისთვის საკმარისი პარტნიორების მიერ გაგზავნილი შეიარაღება, ამერიკის შეერთებული შტატების ლენდ- ლიზის გათვალისწინებით.

თავდაცვის მინისტრის შეფასებით, ამაზე საუბარი რთულია, რადგან ყველაფერი საბრძოლო მოქმედებების წარმოების ინტენსივობაზე იქნება დამოკიდებული.

„ასე თქმა არ შეიძლება, იმიტომ რომ ყველაფერი დამოკიდებულია ცეცხლის გახსნის ინტენსივობაზე: ჩვენი ბრიგადები და ბატალიონები რამდენ საბრძოლო კომპლექტს გახარჯავენ საბრძოლო მოქმედებების წარმოებისას, იმიტომ რომ ჩვენ ფრონტის საკმაოდ ფართო ხაზი გვაქვს. კიევის, ჩერნიგოვისა და სუმის ოლქების გათავისუფლების შემდეგ ის შემცირდა, მაგრამ საფრთხე მაინც რჩება და ჩვენ ეს გვესმის. ამიტომ ჩვენ ჯერ ისევ გაგვიჭირდება და ჩვენთვის ჯერ კიდევ მძიმე იქნება ეს ყველაფერი“,- განაცხადა რეზნიკოვმა.

მინისტრის თქმით, მნიშვნელოვანია, რომ უკრაინა მოთმინებით აღიჭურვოს, რადგან მტერი მრავალრიცხოვანია.

„მათ ცოტა ჭკუა აქვთ, მაგრამ რაოდენობრივად ბევრნი არიან - ადამიანებიც, ტექნიკაც. მათ გამოაქვთ ყველაფერი საწყობებიდან და მოაქვთ და მოაქვთ“,- განაცხადა რეზნიკოვმა. მინისტრმა ხაზგასმით აღნიშნა, რომ უკრაინის შეიარაღებული ძალების წყალობით, რუსული ჯარების ელიტარული ქვედანაყოფები ქვეყნიდან „გადააგდეს“.

„რომ დავითვალოთ ჩამოყრილი თვითმფრინავებისა და ვერტმფრენების რაოდენობა - ეს ნიშნავს, რომ დაიხოცნენ გამოცდილი მფრინავების ეკიპაჟებიც, რომლებსაც ისინი 10-15 წლის განმავლობაში ამზადებდნენ“, - განაცხადა რეზნიკოვმა.

როგორც თავადაცვის მინისტრმა განმარტა, ოკუპანტებისგან გათავისუფლებულ ტერიტორიაზე ნაპოვნი დოკუმენტების მიხედვით, რუსი ჯარისკაცების საშუალო ასაკი 35 წელია „ეს იმას ნიშნავს, რომ ეს ისეთი რეინჯერები არიან, რომლებიც 15 წლის განმავლობაში ემზადებოდნენ და ისინიც განადგურებულები ან გაძევებულები არიან“.

რეზნიკოვმა აღნიშნა, რომ რუსეთს დრო დასჭირდება ასეთი ახალი "ელიტის" მომზადებისთვის, ამიტომ სამხედროებს, რომლებსაც რუსეთის ფედერაცია ახლა უკრაინაში საბრძოლველად აგზავნის, მომზადების საგრძნობლად დაბალი დონე აქვთ.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა