ვოლოდიმირ ზელენსკი - მზადდება "აზოვსტალიდან" ევაკუაციის მეორე ეტაპი: დაჭრილების და მედიკოსების

მზადდება "აზოვსტალიდან" ევაკუაციის მეორე ეტაპი: დაჭრილების და მედიკოსების, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.

მან მადლობა გადაუხადა საერთაშორისო ორგანიზაციებს ევაკუაციის პირველი ეტაპის განხორციელებაში შეტანილი წვლილისთვის.

„დიდი მადლობა წითელი ჯვრის საერთაშორისო კომიტეტს და გაეროს, რომლებიც „აზოვსტალიდან“ საევაკუაციო მისიის პირველი ეტაპის გატარებაში დაგვეხმარნენ. 300-ზე მეტი ადამიანის გადარჩენა გახდა შესაძლებელი - ქალებისა და ბავშვების, ფაქტობრივად, ჩვენ გამოვიყვანეთ სამოქალაქო პირები „აზოვსტალიდან“ და ვამზადებთ საევაკუაციო მისიის მეორე ეტაპს - დაშავებულებისა და მედიკოსების გამოსაყვანად. რა თქმა უნდა, თუ ყველა შეასრულებს შეთანხმებას, რა თქმა უნდა, თუ ტყუილი არ იქნება“,- განაცხადა ზელენსკიმ.

გარდა ამისა, ზელენსკის თქმით, მიმდინარეობს მუშაობა იმისთვის, რომ შესაძლებელი გახდეს „აზოვსტალიდან“ სამხედროების გამოყვანა, „ყველა გმირის, რომელიც იცავს მარიუპოლს“.

„ეს უკიდურესად რთულია, მაგრამ მნიშვნელოვანი. დარწმუნებული ვარ, ყველას ესმის ამ სირთულის მთავარი მიზეზი და ასევე ის თუ სად მდებარეობს ამ სირთულის მიზეზი. მაგრამ ჩვენ იმედს არ ვკარგავთ. ჩვენ არ ვჩერდებით. ყოველდღიურად ვეძებთ ასეთ დიპლომატიურ ვარიანტს, რომელმაც შეიძლება იმუშაოს. ჩვენი გუნდი ხვალისთვის ამზადებს საევაკუაციო დერეფნებს მარიუპოლის ყველა მცხოვრებისთვის და ასევე ახლომდებარე დასახლებული პუნქტებისთვის“,- განაცხადა უკრაინის პრეზიდენტმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში