ჯოზეფ ბორელი - ევროკავშირმა რუსული სავალუტო რეზერვების უკრაინის აღსადგენად გამოყენება უნდა განიხილოს

ევროკავშირმა, ომის შემდეგ, მილიარდობით დოლარის ღირებულების რუსული სავალუტო რეზერვების უკრაინის აღსადგენად გამოყენება უნდა განიხილოს, - ამის შესახებ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში, ჯოზეფ ბორელმა Financial Times-თან ინტერვიუში განაცხადა.

„მე მომხრე ვიქნებოდი, რადგან ეს სავსეა ლოგიკით,“ - აღნიშნა ბორელმა, რითაც უპასუხა შეკითხვას, შესაძლებელია თუ არა გაყინული რუსული რეზერვების გამოყენება უკრაინის აღდგენის დაფინანსებაში ომის დასრულების შემდეგ.

„ჩვენ გვაქვს ფული ჯიბეებში და ვინმემ უნდა ამიხსნას, რატომ არის ეს კარგი ავღანური ფულისთვის და არა კარგი რუსული ფულისთვის“, - აღნიშნა მან.

ბორელმა იგულისხმა შეერთებული შტატების გადაწყვეტილება, გამოიყენოს ავღანეთის ცენტრალური ბანკის 7 მილიარდი აშშ დოლარის გაყინული აქტივები ქვეყანაში ჰუმანიტარული დახმარების გასაწევად და ტერორიზმის მსხვერპლთა კომპენსაციისთვის, მას შემდეგ, რაც „თალიბანმა“ ძალაუფლება ხელში ჩაიგდო.

ცნობისათვის, დასავლეთის ქვეყნებმა უკრაინაში შეჭრის საპასუხოდ დაახლოებით 315 მილიარდი აშშ დოლარის ღირებულების რუსეთის სავალუტო რეზერვები დააყადაღეს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში