გაერთიანებული ძალების თავდაცვის მინისტრი, ბენ უოლესი რუსეთის შეიარაღებული ძალების ლიდერებს "უზნეობასა და კორუფციაში" ადანაშაულებს და აცხადებს, რომ უკრაინაში კონფლიქტი სამარცხვინოა.
მისი თქმით, რუსეთის პრეზიდენტი, ვლადიმერ პუტინი და მისი გარემოცვა „70 წლის წინანდელ ფაშიზმსა და ტირანიას ასახავენ“.
„ის, რაც პრეზიდენტ პუტინს სურს, არის რუსი ხალხისა და მსოფლიოს დაშინება. მჯერა, რომ უკრაინაში მიმდინარე არაპროვოცირებული კონფლიქტი ამ ჯარისკაცებისთვის სამარცხვინო და დამამცირებელია“, - აღნიშნა ბრიტანეთის თავდაცვის უწყების ხელმძღვანელმა.
მისი თქმით, რუსეთის გენერალური შტაბი მარცხდება და მათ ეს იციან.
ბენ უოლესმა ასევე ხაზი გაუსვა, რომ დასავლეთის ქვეყნები აგროვებენ ინფორმაციას უკრაინაში შესაძლო სამხედრო დანაშაულების შესახებ და ეს ინფორმაცია გამოყენებული იქნება იმისთვის, რომ „ამ სისასტიკეზე პასუხისმგებელმა ყველა პირმა პასუხო აგოს.“ „თვალყურს ვადევნებთ და ვაფიქსირებთ“, – აღნიშნა ბრიტანეთის თავდაცვის უწყების ხელმძღვანელმა.