ხატია დეკანოიძე - ერთადერთი გამოსავალი, რომელზეც უნდა დაფიქრდეს ხელისუფლება, არის მესამე პრეზიდენტისთვის სრული რეაბილიტაციის საშუალების მიცემა, რაც საქართველოს ტერიტორიაზე ვერ მოხდება

ერთადერთი გამოსავალი, რომელზეც უნდა დაფიქრდეს ხელისუფლება, არის მესამე პრეზიდენტისთვის სრული რეაბილიტაციის საშუალების მიცემა, რაც საქართველოს ტერიტორიაზე ვერ მოხდება, ერთია ხელისუფლების ყალბი და ფარისევლური სურვილი, რომ მესამე პრეზიდენტი იყოს ჯანმრთელი, მაგრამ ეს არ არის ის სურვილი, რომელიც მათ ამოძრავებთ,- ამის შესახებ ჟურნალისტებთან ფრაქცია "ნაციონალური მოძრაობის" თავმჯდომარე ხატია დეკანოიძემ განაცხადა.

მისი თქმით, თუ სააკაშვილის ჯანმრთელობასთან დაკავშირებით მძიმე შედეგები დადგება, ქვეყნისთვის ეს დამღუპველი იქნება.

„საქართველოს მესამე პრეზიდენტის ჯანმრთელობის მდგომარეობა და იმ მძიმე შედეგები, რომელიც შეიძლება დადგეს, იქნება დამღუპველი ქვეყნისთვის, ეს იქნება ძალიან მძიმე ზიანი ქვეყნის ევროინტეგრაციის გზაზე. თუ სამოქალაქო კლინიკაში გადაიყვანენ მიხეილ სააკაშვილს, ის გარემო რომელშიც იქნება, არ იქნება შესაბამისი, რაც აუცილებელია სრული რეაბილიტაციისა და ჯანმრთელობისთვის. აუცილებელია რეაბილიტაცია იყოს სრულყოფილი, იყოს თავისუფალ გარემოში, რაც სჭირდება მიხეილ სააკაშვილს და აქ ძალიან მკაცრად უნდა დაისვას საკითხი, რომ პოლიტიკური პატიმრები, მათ შორის, პოლიტიკური პატიმარი მესამე პრეზიდენტი არის ყველაზე უფრო დიდი გამოწვევა ჩვენი საზოგადოებისთვის", - განაცხადა დეკანოიძემ.

ის ასევე გამოეხმაურა დონალდ ტუსკის მიწვევას და აღნიშნა, რომ ეს განცხადება არის გზავნილი იმასთან დაკავშირებით, რომ მიხეილ სააკაშვილი პოლიტიკური პატიმარია და ის თავისუფალი უნდა იყოს.

„ტუსკის განცხადება და სააკაშვილის მიწვევა იმ სამიტზე, რომელსაც ესწრება ევროპის ყველა გამოჩენილი პოლიტიკოსი, სახალხო პარტიის წევრი და ქვეყნის მეთაურები, ასახავს იმ დამოკიდებულებას მიხეილ სააკაშვილის მიმართ, რაც გულისხმობს, რომ ის არის პოლიტიკური პატიმარი და საქართველოს ხელისუფლების პოლიტიკური შურისძიების გამო არის გასამართლებული, ყველანაირი ინდიკატორი აჩვენებს, რომ ბიძინა ივანიშვილის პირადი შურისძიებაა. ჩვენი პარტნიორების და მეგობრების მთავარი გზავნილი არის, რომ მიხეილ სააკაშვილი უნდა იყოს თავისუფალი და ძალიან მნიშვნელოვანი წვლილი უნდა შეიტანოს რეგიონში, განვითარებაში, დემოკრატიაში და რა თქმა უნდა, პირველ რიგში, რუსეთის დამარცხებაში“, - განაცხადა დეკანოიძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა