ბენ უოლესი - 2014 წელს პუტინი გააფრთხილეს: ყირიმში შეჭრის შედეგი არის მეტი ნატო და ეს არის ზუსტად ის, რაც მიიღო - არ ვფიქრობ, რომ ფინეთისა და შვედეთის ნატო-ში გაწევრიანება პროვოკაციული იქნება
გაერთიანებული სამეფოს თავდაცვის მინისტრის, ბენ უოლესის განცხადებით, ფინეთისა და შვედეთის ნატოში გაწევრიანება პროვოკაციული არ იქნება.
„ვფიქრობ, თუ შვედეთი და ფინეთი შეუერთდებიან ნატოს, ეს პროვოკაციული იქნება? არა, ასე არ ვფიქრობ“, - აღნიშნა უოლესმა.
მისი თქმით, ჯერ კიდევ 2014 წელს ვლადიმერ პუტინი გააფრთხილეს, რომ ყირიმში შეჭრის შედეგი არის „მეტი ნატო “.
„ვგულისხმობ მას (ვლადიმერ პუტინს) ეს უთხრეს. 2014 წელს ის გააფრთხილეს: „თქვენ ამას აკეთებთ, ყირიმის შეჭრის შედეგი არის მეტი ხარჯები თავდაცვაზე და მეტი ნატო“ და ეს არის ზუსტად ის, რაც მან მიიღო. არავის დაუმალავს ეს. ეს ძალიან, ძალიან ცხადი იყო“, - აღნიშნა ბრიტანეთის თავდაცვის უწყების ხელმძღვანელმა.
შეგახსენებთ, რუსეთის უკრაინაში შეჭრის შემდეგ ფინეთი და შვედეთი ნატო-ს წევრობის საკითხს განიხილავენ.
