„დონეცკის სახალხო რესპუბლიკის“ ე.წ. პრეზიდენტი - ჩვენი ამოცანაა მარიუპოლი გავხადოთ საკურორტო ქალაქი

თვითგამოცხადებული „დონეცკის სახალხო რესპუბლიკის“ ე.წ. პრეზიდენტი დენის პუშილინი აცხადებს, რომ მას განზრახული აქვს ომის დასრულების შემდეგ, მარიუპოლი კურორტად აქციოს. ამის შესახებ მან მარიუპოლში ნაცისტურ გერმანიაზე გამარჯვების დღის აღსანიშნავ ღონისძიებაზე ისაუბრა.

„ჩვენი ამოცანაა მარიუპოლი გავხადოთ საკურორტო ქალაქი, რაც აქამდე შეუძლებელი იყო. მარიუპოლი გახდება იმაზე უკეთესი, ვიდრე ეს ომის დაწყებამდე იყო“, - განაცხადა მან.

დენის პუშილინის თქმით, საკურორტო საქმიანობა დამატებით სამუშაო ადგილებს შექმნის და შემოსავალს მოუტანს ქალაქს.

უკრაინული მედიის ცნობით, 9 მაისს მარიუპოლში „რაშისტებმა“ მსვლელობა გამართეს, რა დროსაც რუსულმა ტელევიზიებმა არ აჩვენეს მარიუპოლის დანგრეული ტერიტორიები და აირჩიეს ქალაქის მხოლოდ ის კვარტალი, რომელიც რუსული არმიის თვითმფრინავების დაბომბვის შემდეგ გადარჩა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს