ალუდა ღუდუშაური - სააკაშვილისთვის აღკვეთის ღონისძიების საკითხი არ განიხილება, რომ კანონმდებლობა თავდებობას ითვალისწინებდეს, ასეთი რამ გამორიცხულია, შესაბამისად, წარმოუდგენელია ახალი ველოსიპედის მოგონება

სააკაშვილისთვის აღკვეთის ღონისძიების საკითხი არ განიხილება, რომ კანონმდებლობა თავდებობას ითვალისწინებდეს, ასეთი რამ გამორიცხულია, შესაბამისად, წარმოუდგენელია რაიმე ახალი ველოსიპედის მოგონება,- ამის შესახებ ჟურნალისტებთან საპარლამენტო უმრავლესობის წევრმა ალუდა ღუდუშაურმა განაცხადა, რითაც გამოეხმაურა ინფორმაციას იმის თაობაზე, რომ „ნაციონალური მოძრაობა“ გეგმავს პარლამენტს მიმართოს, რომ მიხეილ სააკაშვილის საზღვარგარეთ სამკურნალოდ გადაყვანის შემთხვევაში, თავდებში ჩაუდგებიან, რომ მკურნალობის შემდეგ ის დაბრუნდება.

ღუდუშაურის განცხადებით, სააკაშვილმა კარგად უნდა გაიაზროს, რომ მის ჯანმრთელობაზე თავადაც არის პასუხისმგებელი.

„ნაციონალურ მოძრაობაში" არიან იურისტები და ძალიან კარგად უნდა ესმოდეთ, რომ სააკაშვილისთვის აღკვეთის ღონისძიების საკითხი არ განიხილება, რომ კანონმდებლობა თავდებობას ითვალისწინებდეს, ასეთი რამ გამორიცხულია. სააკაშვილი მსჯავრდებულია არაერთ მძიმე დანაშაულში, შესაბამისად აქ წარმოუდგენელია რაიმე ახალი ველოსიპედის მოგონება. საქართველო პატივს სცემს საკუთარ და საერთაშორისო კანონმდებლობას, დადგენილი კანონების და ნორმების შესაბამისად მოქმედებს სახელმწიფო. „ნაციონალური მოძრაობის“ რადიკალური წარმომადგენლები ცდილობენ როგორმე სააკაშვილი პასუხისმგებლობას აარიდონ და სასჯელს განარიდონ, ეს არ და ვერ იქნება სისრულეში მოყვანილი, ეს არის დროის ფუჭი ხარჯვა. უნდა აღინიშნოს, რომ ყველაფერ ამას წინ უძღოდა სააკაშვილისგან სიტუაციის ხელოვნურად გამწვავება, საზოგადოება ხედავს, ის ყველაფერს აკეთებს, რომ როგორმე დაუძვრეს მართლმსაჯულებას, ეს არ გამოვა. ერთადერთი სააკაშვილმა რაც უნდა გააკეთოს, კარგად უნდა გაიაზროს მის ჯანმრთელობაზე თავადაც არის პასუხისმგებელი, ამიტომ ხელოვნურად გამწვავებისკენ სიტუაცია არ უნდა წაიყვანოს“, - განაცხადა ღუდუშაურმა.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა