დიმიტრი ხუნდაძე - იქნებ მამა მელიამ ჩემს მიმართ გაკეთებულ ბრალდებებზე, თითქოს ავლაბრის ტერიტორიაზე, მიწის სარდაფში კლინიკას ვფლობ, თუნდაც ირიბი მტკიცებულებები წარმოადგინოს

ტყუილები „ნაცმოძრაობის“ და მათი გულშემატკივრების საყვარელი საქმეა - იქნებ მამა მელიამ ჩემს მიმართ გაკეთებულ მორიგ ბრალდებებზე, თითქოს ავლაბრის ტერიტორიაზე, მიწის სარდაფში კლინიკას ვფლობ, თუნდაც ირიბი მტკიცებულებები წარმოადგინოს - იქნებ მისამართი, კლინიკის სახელწოდება ან კლინიკის ხელმძღვანელის გვარი ან სახელი გააჟღეროს, რომ მეც მივაკვლიო, - აღნიშნული განცხადება დღეს პარლამენტის ჯანდაცვის კომიტეტის თავმჯდომარემ დიმიტრი ხუნდაძემ გააკეთა.

მისი თქმით, აღნიშნულ “ბოდვაზე“ ელის პასუხს მხოლოდ იმ პირობით, რომ “მოწმედ საკუთარ კუდს არ მოიყვანენ“.

ხუნდაძის შეფასებით, ტყუილ-მართალი საზოგადოებას რეალობას აშორებს და სახელმწიფოს ვნებს.

„2012 წელს მიშამ ხელკეტებისა და ტერორის ფონზე, ხელისუფლება “მშვიდობიანად“ გადააბარა და ქვეყანას და საზოგადოებას სიმშვიდეს სწორედ იმ დღიდან არ აძლევს. “ხელისუფლება კლავსო“ და ციხეში საშინელი წამებისა და სტრესის ქვეშ არისო - შვიდი თვის განმავლობაში საკანში 800-მდე ვიზიტორი და ამდენი ექიმის მეთვალყურეობა თუ წამებაა, მაშინ ეს ადრე სხვანაირად იყო. აღარაფერს ვამბობ ასეთ “წამებაზე“ სტრასბურგის პასუხზე, რომელიც განხილვაშიც კი არ მიიღო.

დღეს ციხეს იგივე მისამართი აქვს, მაგრამ განსხვავებული გარემო.

მაგალითად, ყოველ 5 დღეში 3 გვამი აღარ გამოდის იქიდან, პატიმრებს ფეხზე დგომით რიგ-რიგობით არ სძინავთ და მოსაქმება შუა ოთახში, ყველას წინაშე შეურაცხმყოფლად არ უწევთ. დღეს იქ C ჰეპატიტზეც კი მკურნალობენ.

მკურნალობის არ იყოს, 2012 წლამდე ჯანდაცვა პრივილეგია იყო, მას შემდეგ კი პრიორიტეტად იქცა“, - განაცხადა დიმიტრი ხუნდაძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი